Woolters

Uut Wikipedia, de vrye encyklopedy
Nå navigaty springen Nå söken springen

Woolters, echten naam Martin ter Denge (geboren 11 december 1985) is nen muzikant, skriever en dichter oet et Tweantse Riessen. Hee dut skrieven en zingen in et Riessense dialekt en dregt dit ok in dee sproake oet. Ok is hee nen aktieven biedreager op de Neersassische Wikipedia. As geborene Riessender hef Woolters völle Tweants metkreagen en doar is hee greuts op. Zien wark dreit veurnamelik um et behold en 'n anjacht van de streektaal. Hee meant dat dat et beste wil op ne moderne wieze.

Naam[bewark | bronkode bewarken]

De naam Woolters is ne familie-bienaam of skeldnaam. In bepoalde delen van Tweante kump et gebroek van bienamens völle vuur en zo ok in Eanter en Riessen, woar at Woolters vortkump. In Enter stund vroger ne olde boerderieje, et Wooltershoes. Nen betoavergrotvader van Ter Denge treuk doar in en nam zo de biename oaver.

Woark[bewark | bronkode bewarken]

Skrieverieje[bewark | bronkode bewarken]

Et meeste van Woolters zien skriefwark is in et Riessens, een dialekt van et Twents. Behalve vuur Wikipedia skrif hee ok verhalen, gedichten en proza. Verskeidene joaren had hee nen kollumn in 'n Niejen Bodbreef, een blad van de Kreenk vuur de Twentse Sproak. Zien rubriek "Plat op et Web" gung oaver et gebroek van Tweants op internet.

Doarnöast hef he ok de tekst eskrewen van de nummers Skriefmesjiene en Bleu Man dee duur Tonny Nijland en Martin Ter Haar espöld zint op onder andere de Tweantse Jazzerieje. Op de tweede Jazzerieje skreef hee Kræng op een arrangement van Jan Wessels, oetvoord duur Petra ter Denge (gin familie). Dat nummer haalden de eerste pries. Op de darde Jazzerieje skreef hee et nummer Veni, vidi, vici op een arrangement van Joris Bolhaar, ezungen duur Nadya Bolhaar.

Muziek[bewark | bronkode bewarken]

As achtjöärig junken begun Woolters met lessen op de kleine tromme bie Muziekvereniging Wilhelmina Rijssen, woer as hee zowat 24 joar lid van was. As spöller bie de drumfanfare en dweilorkest De Kamgoarn Klösse deed he völle spöl- en podiumervaring op. Ondertusken learden hee zikzelf gitaar spöllen. Zien eerste zelf eskrevene nummer was in et Engels, al is dat nooit publiceerd.

Wieders bekwoamen zik Woolters in muziekproductie (muziek maken met 'n komputer), terwiel hee ondertusken mear en mear reggae begun te lusteren. Dat leidden der to dat hee vöärnamelik reggae begun te maken. Tegelieke begun hee zik vuur de et Twents en et Nedersaksisch te interesseren. Zo ontstund et idee um Twentse reggae te maken. In 2012 köm hee met et protestleed oaver veurmoalig minister Liesbeth Spies, umdat dee et Nedersaksisch gin heugere erkenning wol geven.

Tegelieke wol hee zik nit vaste leggen in enen stiel en zorget ziene brede muzikale interesse vuur oetstäpkes noar hiphop, dance, rock en soul.

Lieste met muziek[bewark | bronkode bewarken]

  • Loat Kuuln (Loat Toch Goan) (2008)
  • Boulevard Sauntering (2009)
  • Dreumt Mer Lekker (Sweet Dreams) (2009)
  • Fruity Loops Reggae (2009)
  • Sleepless (2009)
  • Verlöarn (2009)
  • Earlikheaid (Honesty) (2009)
  • Tukkermars (2009)
  • t Eande van Augustus (2009)
  • Doot es Heanig an (2010)
  • Wat een Woark (2010)
  • Wearldhearskoppieje (2010)
  • In This Love (2010) - cover van Bob Marley
  • Daanske (2011)
  • Basic Rockers Reggae in FL5 (2011)
  • Liquid Dub Revised (2011)
  • Wat een Woark (2011) - verniejde versie
  • Afrika (2011)
  • Deankt (Vuurde'j Skreewt) (2011)
  • Pieker Dub (2011)
  • Liesbeth Spies (2012) - Protestversken teegn de doomoalige Minister van Binnlaandse Zaakn
  • Hardcore Vibes (Reggae Remix) - cover van Dune (2014)
  • Reur den Pot (2014)
  • Zoaterdag (2014)
  • Keunink van Twente (2015)
  • Doot Plat en Rap Wat (2020)

Zeet ok[bewark | bronkode bewarken]

Oetgoande verbeendige[bewark | bronkode bewarken]

Nuvola apps ksig.png Dit artikel is eskreaven in et twentske dialekt van Riessen, in de Algemene Nedersaksiese Schriefwieze.