Islam
De islam is ien van de drie monotheïstische wereldgodsdiensten.
Et Arabische woord islam betekent letterlik overgave of onderwarping (an God of Allah) en wiest op et principe dat een anhanger van de islam (een moslim) him overgeft aan Gods wil en wetten.
Ontstaon
[bewark | bronkode bewarken]De islam is ontstaon in de 7e ieuw. Neffens de moslims ontvong de bosschopper en profeet Mohammed van de aartsengel Gabriël eupenbaoringen van God, waorin hi'j opreupen wodde et geleuf van Adam en Aobraham opni'j te introduceren.
Et heilige boek veur moslims is de Koran, waarvan as zi'j geleuven dat God de tekst deur Gabriël an Mohammed deurgaf.
Verspreiding
[bewark | bronkode bewarken]Mohammed vlocht in 622 van Mekka naor Medina, wat andudet wodt mit de hidjra, waormit de islamitische jaortelling begint. Nao Mohammeds dood in 632 veroveren zien opvolgers veul gebieden. De islam verspreidde him rap. Binnen honderd jaor waren hiel Arabië, Noord-Afrike en Spanje islamitisch.
Rond 1100 wodde ok Jeruzalem veroverd; dit resulteerde in verscheidene Kruustochten. In disse tied ontstund ok et Ottomaonse Riek, dat in 1453 Constantinopel veroverde. In 1492 wodde et leste islamitische riek uut Spanje verjagd.
Begin zestiende ieuw waren d'r drie grote moslimrieken: et Ottomaonse Riek, de Safawiden in Iran en de Mogoels in India. In 1529 wodde Wenen veur de eerste keer belegerd. De hiele Balkan was doe Turks. Op et aende van de 19e ieuw verdwienen de Turken uut Europa.
Now wereldwied
[bewark | bronkode bewarken]Et antal moslims wodt op dit mement wereldwied schat op goed 1 miljard meensken oftewel 20 procent van de wereldbevolking (2006). Veurnaemelik wonen ze in Noord-Afrike, Arabië, et Midden-Oosten, West-Azië en Indonesië.
Nederlaand
[bewark | bronkode bewarken]Nao de Twiede Wereldoorlog kwammen de eerste moslims naor Nederlaand, veurnaemelik uut Nederlaans-Indië. In de jaoren '60 van de 20e ieuw kwammen de eerste Turkse en Marokkaanse gastarbeiders. In de jaoren '70 kwammen ok heur gezinnen naor Nederlaand. Nao 1975 arriveerden moslims uut Suriname. En nao verschillende (burger)oorlogen kwammen ok meensken uut Bosnië, Iran, Irak, Somalië en Afghanistan.
Daordeur kwammen d'r ok (zoas dat in et verzuilde Nederlaand paste) moskeeën, islamitische schoelen en zo meer. Et antal moskeeën lag in 2005 zo rond de 300.
Et CBS verwaacht dat et antal moslims in Nederlaand de greens van 1 miljoen in 2006 haelen zal. Daorvan bin d'r dan zoe'n 6.000 autochtone Nederlaanders en ongeveer 40.000 westerse moslims.
Nedersaksisch taelgebied
[bewark | bronkode bewarken]In 't Nedersaksisch taelgebied staon d'r krapan 30 moskeeën.
Et tal moslims is onbekend, mar wel is dudelik dat et d'r verhooldingsgewies roem minder binnen dan laandelik. En dan nog veurnaemelik in Twente.