God
god is volgens verschillende religies een bovennatuurlijk wezen, die deur elk van dizze religies weer aans veursteld wordt. In 't christendom en 't jodendom heet God ok wal Jahweh, HEER, Elohiem, Eli, Adonai en wordt vaok anduud as de Eeuwige, de Anwezige, de Naom enzovoorts. Volgens 't christendom hef God de eerde, de mèens en alles wat der op de eerde ok maor rondleupt maokt. Sommige religies hebben ien God en worden monotheïstisch nuumd, religies mit meerdere goden worden polytheïstisch nuumd.
God in de monotheïstische religies
[bewark | bronkode bewarken]Moderne monotheïstische concepten kommen van de Abrahamitische traditie.
- Jahweh of Jehova. De naom van God zoas die openbaord is in de Biebel ('t Olde Testament en 't Neie Testament. Baseerd op 't Hebreeuwse woord JHWH(יהוה). In 't Christendom wordt vaok gien naom bruukt veur God, maor gewoon de titel God (Engels: God, Duuts: Gott, Zweeds: Gud) of de Heer. In de Romaonse taolen wordt der varianten bruukt van 't Latiense deus (Frans: dieu, Spaons: dios, Italiaons: dio) wat an 't Griekse Zeus verwant.
- De Drie-ienheid(de Vaoder, de Zeun (Jezus Christus), en de Heilige Geest) — dizze leerstelling wordt deur de meeste christenen anhangen. 't Concept van de Drie-ienheid is formuleerd tiedens de Eerste Karkvergaodering bie Nicaea in 325A.D.
- Allah (islam/Arabisch). De negen-en-negentig naomen van Allah. Allah (eigenlijk "de Allah") is gien naom, wat veul niet-islamitische lu wel denkt, maor is n titel en betekent gewoon "de enige god".