Arabies

Uut Wikipedia, de vrye encyklopedy
(döärstüürd vanaf "Arabisch")
Arabies
Sproakgebeed van t Arabies: *Greun: Ennigste offisjele sproake *Doonkerblaauw: Ene van de offisjele sproaken (mearderheaid) *Lechtblaauw: Ene van de offisjele sproaken (meenderheaid)
Sproakgebeed van t Arabies:
  • Greun: Ennigste offisjele sproake
  • Doonkerblaauw: Ene van de offisjele sproaken (mearderheaid)
  • Lechtblaauw: Ene van de offisjele sproaken (meenderheaid)
Land Laanden van de Arabiese Liga, meenderheden in Israel, Eritrea, Mali, Niger, Kenia, Tsjaad, Senegal, Zuud Soedan, Ethiopië, Iran, Turkije, Madagaskar, Tanzania, Mozambiek, ezw.
Antal spreakers 40 miljoen as tweede sproake
Språkindeyling Afro-Aziaties
Skrivt Arabies alfabet
ISO 639-1 ar
ISO 639-2 ara
ISO 639-3/DIS ara

Arabies is de Klassiek Arabiese sproake oet et 6de joarhoonderd en de moderne versies, met oetzeundering van Maltees. Arabies wörd esprökken in et Middenoosten, Noord-Afrika en den Hoorn van Afrika. Et heurt bie de Afro-Aziatiese sproaken.

De Litereare sproake, Modern Standaard Arabies of Literear Arabies, is de offisjele vörm van Arabies. Et wörd gebroekt um zaken dale te skriewen en um formele zaken te bekuieren, zo as in leazingen en niejsoetzeandingen.

Aarabies is ne Sentraal Semitiese sproake, nauw verwaant an Aramees, Hebreeuws, Oegarities en Foenisies. Et liektrökkene skrief-Arabies is eulderwetser as alle sprökkene variaanten. Toch wordt ze nöast mekaar broekt in verskillende sosjale umstaandigheden.

Een antal sprökkene soorten zeent in sproake en skrift oonderling verstoanboar.[1] Met mekoar vörmet de soorten Arabies ne sosjolinguïstiese sproake. Vanoet de sproakenkeunde bekekken zollen ze as verskillende sproaken geelden, mer um geleuwige en politieke readenen wordt ze vake bie mekoar rekkend. A'j ze as verskillende sproaken rekkent, is et neet te zeggen wovölle of et der zeent, umdet ze samen een dialektverloop vormet.

A'j et as ene sproake bekiekt, wörd Arabies duur ongevear 420 miljoen leu ekuierd.[2] Doarmet is et ene van de 6 meest-esprökkene sproaken van de wearld. A'j et as ofzeunderlike sproaken rekkent, hef woarskienlik Egypties Arabies de meeste sprekkers (54 miljoen).[3]

Arabies is ook de geleufslearsproake vuur 1,6 miljard Moslims.[4] Et is ene van de zes offisjele sproaken van de Verenigde Nasies.[5]

Modern Standaard Arabies is of eleaidet van de sproake in de Koran. Dit neumt ze ook wal Klassiek Arabies of Koraans Arabies. Et wörd völle leard in skolen, universiteaten en töt verskillende leanktes gebroekt op et woark, regearingen en media. Et is de offisjele sproake in 26 laanden en van et Islamgeleuf. Modern Standaard Arabies gebrok völle van de oolde grammatika en woardvuurroad. toch hef et der een antal vereulderde, neet mear gebroekte grammatikale steelsels achterhen edoan en een antal nieje zinsopbouwen en wöarde van esprökkene soorten oawer enömmen. Dit was neudig um nieje ideeën en gedachten van noa de Korantied stemme te gewen.

Arabies wörd met et Arabies alfabet daleskrewen. Det is een abjadskrift, wat van rechts noar leenks eskrewen en eleazen worden mut. Mangs wörd vuur et skriewen van de sprökkene soorten et ASCII-latiense alfabet an eheulden (van leenks noar rechts) zoonder dudelike regels.

Wellen[bewark | bronkode bewarken]

  1. "Arabic language." Encyclopædia Britannica. 2009. Encyclopædia Britannica Online. Bekekken op 29 juli 2009.
  2. UNESCO. World Arabic Language Day. 18 december 2012. Bekekken: 12 februwoari 2014
  3. Ethnologue.com
  4. Pew Research Center. "Executive Summary. The Future of the Global Muslim Population". 22 December 2011
  5. Un.org. UN official languages. Bekekken: 20 april 2013