Kedingen

Kedingen was gedoerende t Ancien régime n richterambt in t drostambt Tweante. t Rechterambt hef töt an de nieje indelige van Napoleon Bonaparte bestoan. De aandere ambten warren Oatmörsken, Oldenzel, Eanske, Dealden, Boarne, Deepn en Hoksebarge. Doarnöast ha'j de Hearlikheaid Almelo.

Elk richterambt was eneumd noar de heuwdplaatse der van, behalve Kedingen. Dit hef der deels met te maken det Kedingen ontstoan is toow't meardere plaatsen bie mekoar edoan wörden: Riessen, Goor, Wierden en Maarkel

Geskiedenisse

In 1385 wör der ne lieste emaakt van richters. Doarop steunden disse veer plaatsen met nen egenen richter. An t begin van t 15de joarhoonderd hebt Maarkel en Wierden gin richters mear, en zeent ze bie Goor en Riessen edoan. Later komt Goor en Riessen ook oonder enen richter. In 1439 wörd t vuur t eerst Richterambt Kedingen eneumd. In 1811 wörd Kedingen op ehewen, en onsteunden de gemeentes Wierden, Goor en Riessen. In 1818 wörd Goor nog es op edeeld in de gemeentes Goor en Maarkel.

Rechtsproake van de Hoge Baanke

De beaide steaden Riessen en Goor hebt vake in völle twiststukke t recht van de Hoge Baanke op eëesket. Beaide steaden zeaden det t recht öar tooheurden. Riessen har al länger as Goor stadsrechten, en zea doarumme eulder te wean. Goor zea det ze eulder warren duur de bisskopsborcht. Oeteaindelik bleek det Riessen de Hoge Baanke heul, wat op t Skeeld in Riessen steet. n Antal heultene baanken in n "gespannen en geheghend gericht". Mear vuur de gewone rechtsproak wör Kedingen verdeeld in de Riessense kwarteren en de Goorse kwarteren. Beaide hadden ze wier öare egene richters en oonderrichters.

Kwarteren

Riessense Kwarteren De stad Riessen Ealsn Eanter Hoge Hexel Nötter en Sunnoa Rektum Wierdn Iepeloo

Goorse kwarteren Karspel Goor Harke Maarkel Stokkum

Aodelike huze

Havezates

Kedingen har heel wat havezates. In zowat elken noaberskop lea der wal ene.

Hoes te Ealsen in Ealsn Eversbarg in Nötter Grimbarg in Nötter Heeckeren in Kerspel Goor Kevelham in Kerspel Goor Oldenhof in Maarkel

Oliedam in Kerspel Goor Stoevelaar in Harke Wegdam in Kerspel Goor Weldam in Kerspel Goor Westerflier in Stokkum

mear aodelike huze

De volgende huze wörden wal duur oadel bewoond mear gavven gin recht op deelnemming in t Ridderskop.

• Dackhorst in Rektum
• Katteler bie Eanter
• Hoes Keppels in Maarkel
• n Oosterhof in Riessen

Rechters van t richterambt Kedingen

Jacob Rorinck 1351 Cope ten Have 1368 - 1385 Henric Roerinc 1394 Bruun van Hederick 1400 - 1414 Steven van Belen anders geheten Vleck 1414 - 1416 Herbert Satterpe 1430 Wigbolt van Warmelo 1430 - 1453 Aerndt van Warnelo 1448 Ghert van Woertreden 1448 Jacob van Thije 1455 - 1479 Bertolt van Langen Bertoltsz. 1474 - 1479 Johan die Reiger Arentsz. 1489 - 1492 Herman Droste 1514 Diederick van Bevervoorde 1518 Bruijn van Langen 1518 - 1531 Hendrik ten Oever 1536 Johan Dop 1543 - 1552 George van Barmentlo 1554 - 1560 Johan Helmichs 1578 David Berck 1592 - 1600 Gerhardt de Gruijter 1600 - 1616

Frederik van Voerst 1622 C.Stappert 1627 Henrick Helmichs 1628 - 1633 Johan Koenders 1641 - 1645 Evert Meijer 1657 Henrick Wijchman sr. 1664 Henrick Wijchman jr. 1664 Michel Helmichs 1672 Gerrit Willem van Hoevell van het Nienhuis 1691 Johan ten Oever 1693 Assuerus Fockinck 1700 - 1716 Roelof van Hoevell 1749 Gerrit Zijthoff 1759 Jan Adriaan baron van Hoevell 1766 - 1778 Jan Heijdentrick van Coeverden tot Wegdam 1782 Antony Berends 1784 Jan Hendrik Bruggink 1786 Wilhelm Jalink 1789 - 1797 Wolter Jalink Wzn. 1800 - 1803 Willem Hulsken 1803 - 1811

Bronnen / wellen:

Telting, A., Stadsregt van Rijssen (Zwolle 1889) (=OSDM 1ste deel 9e stuk). Archeologische Werkgroep Riessen, Overijsselse Historische Bijdragen (Zwolle 2007) 122e stuk. Schlüter, D. Met den koorde of door het zwaard, (Oldenzaal, 1994)