Richterambt

En richterambt was in de middeleywen ne ambtelike streake wat under bestüür van nen richter völ. Nen richter beslöät oaver kleine rechtsaken tüsken twey lüde of strafsaken dee med ne bote afedån kunden wörden, sou as deevstal, hauwerye un beleydigingen. Ouk kun nen richter mangs verdachten verhöyren un undögende lüde vastesetten. Gröttere rechtsaken wörden behandeld döär nen drost, un en drostambt bestünd düs ouk uut meyrere richterambte. Under et Drostambt Twente völlen byvöärbeald Ambt Oldensele, Ambt Delden un Ambt Kedingen. Hoksebarge was tydelik en afsünderlik drostambt. As ambtsgrensen wörden vake olde roums-katolike parochiegrensen enöämen.