Karspel Goor

Karspel Goor is n boerskop van de vuurmoalige gemeente Maarkel en heurt send 1 januwoari 2001 bie de gemeente Hof van Tweante, in Tweante. Van alle Maarkelse boerskoppen ligt Karspel Goor t wiedst van Maarkel of, en ligt oawer n proveensjalen weg Goor-Hoksebarge. Van ooldsher hef Karspel Goor ook aait mear met Goor verbeunden ewest as met Maarkel. n Namen Karspel Goor betekent ook "Tooheurend an parrochie Goor". In Karspel Goor wont beheurlik wat Roomsen, terwiel t merendeel protestaants is. t Roomse deel heurt bie de parrochies Goor of Hengevealde.

Havezates

Havezate Weldam

Karspel Goor har nog wal wat havezates. Twee doarvan vörmt nog aait n laandgood samen; Wegdam en Weldam. n Groot deel van de boerderiejen in Karspel Goor heurt an t laandgood Weldam, wat te zeen is an de luken in de kluren zwart-gel-wit. Vroger leaden in Karspel Goor ook de havezates Oliedam en Kevelham. Heeckeren, wat vroger bie Karspel Goor heurden, ligt rechtevoort in de bebouwde komme van Goor.

	Plaatsn in de gemeente Hof van Tweante
	Achterhook · Beantel · Dealdn · Dealdnerbrook · Dealdner Es · Deepn · Diekerhook · Ealsn · Ealsenerbrook · Goor · Hengeveelde · Harke Karspel Goor · Maarkel · Maarkelsebrook · Maarkvealde · Oazel · Pothook · Stokkum · Wiene · Zeldam Oaveriessel · Steden en dörpen in Oaveriessel      Nederlaand · Previncies · Gemientes