Maarkel

Oet Wikipedie, de vraaie enzyklopedie
Gao naor: navigasie, zeuk
Maarkel
Doarp in Nederlaand Flag of the Netherlands.svg
Vlagge van Maarkel Wapen van Maarkel
(Vlagge van Maarkel) (Wapen van Maarkel)
Maarkel (Oaveriessel)
Maarkel
Maarkel
Bestuur
Provinsie NL-OV Oaveriessel
Gemeente Hof van Tweante
Geografie en bevolking
Inwonners
7595 (2012)
Koördinaoten 52° 14′ N, 6° 30′ OKoördinaoten: 52° 14′ N, 6° 30′ O
Aoverig
Netnummer 0547
7475
Offisiële webstae
www.hofvantwente.nl
t Oolde gemeentehoes van Maarkel

Maarkel (Hollaands: Markelo) is n doarp in de gemeante Hof van Tweante. Tot 2001 was Maarkel zelf ne gemeante. In 2012 har et ongevear 7500 inwonners.

n Naamn Markelo keump van loo wat "bos" beteeknt, en marke wat "greanze" beteeknt.[1]

Umgewing[bewark | bronkode bewarken]

Maarkelsen Baarg
Tellevisietoorn van Maarkel

Op t Westn lig de Maarkelsenboarg, den at op n top t Oaweriessels Verzetsmunumeant 1940-1945 hef.

Op ongevear 5 kilometer op t Westn van t doarp steet ne 156 meter hoge tellevisietoorn. Hiervan steet n skaalmodel in Madurodam in n Haag. In 2007 is-e in ekortt noa at t analoge tellevisiesignaal oet de loch is ehaald.

Geskiedenisse[bewark | bronkode bewarken]

In de middeleewn was Maarkel t heuwd van t karspel Maarkel (koarkgemeante). In 1224 wör Deepn ne gemeante op zikzelf. Vuur n opkomst van t protestantisme, wat in Maarkel duur de adel an t volk wör op edrungn.

Tot t midln van t 17e joarhonderd wördn beevoartn noar Maarkel organiseert, terwiel at det verböadn was duur de regerige. In de parochiekoarke van Maarkel hadn ze n woonderreliek van t Healige Blood. Later stopn de regerige dit duur de kapeln dichte te messeln of of te brekn.

Seend t 15e joarhonderd beheurdn Maarkel tot t richteramt Kedingen. In 1811 wör t Karspel Maarkel, met boerskop Karspel Goor en stad Goor, saamn edoan tot Gemeante Goor. Op 1 juni 1818 wör Maarkel zelfstaandig en in 2001 gung t op in de gemeante Hof van Tweante. Tot Maarkel beheurdn de boerskopn Ealsen, Ealsenebrook, Herike, Stokkum, Maarkelsebrook, Karspel Goor, Pothook en Achterhook.

Geleuf[bewark | bronkode bewarken]

De Maarkelsen beent meestieds behooldnd protestaants. in t midln van t doarp steet de Marinuskoarke, ook wal gewoon Neerlaands-Hervörmde Koarke neumd. In de middeleewn was Maarkel Roomsk, en de oolde Roomske koarke har n rellikwie van t Heailige Blood. Vanoet heel Neerlaand wördn beevoartstochten noar Maarkel emaakt.

Bekeande Maarkelsen[bewark | bronkode bewarken]

Rifferenties[bewark | bronkode bewarken]

  1. Groenedijk, T. (2000), Nederlandse plaatsnamen, 't Ogeveine: Slingenberg Boekproducties, ISBN 90-76113-815

Oetgoande verbeendige[bewark | bronkode bewarken]