Braandnetel

Uut Wikipedia, de vrye encyklopedy
Grote braandnetel
Lange braandhaoren en gewone haoren van de grote braandnetel
Illustrasie van de braandnetel

Braandnetel (Urtica) is n plaantegeslacht waorvan in Nederlaand de grote braandnetel (Urtica dioica) en de kleine braandnetel (Urtica urens) veurkoemen. t Geslacht besteet uut zo'n de 30 en 45 soorten, waorvan der 4 in Midden-Europa veurkoemen. Deur de import wördt der noen regelmaotig de zujelike braandnetel (Urtica membranacea) an-etröffen.[1][2] A'j braandnetels anraken kan dat pienlik ween, umdat de braandhaoren van de plaante n braanderig geveul veroorzaken. De bloemtrossen van de grote braandnetel hangen in okselstaandige aoren, van de kleine braandnetel staon ze rechtop. Beie braandnetels hebben braandhaoren an de stengel en an de bovenkaante en de raand van t blad.

Gebruuk[bewark | bronkode bewarken]

Jonge braandnetelstengels kunnen egeten wörden as greunte, in ouwere stengels zit vake veule nitriet. De smaak van braandnetel wördt wel es vergeleken mit spinazie. In t veurjaor smaken de stengeltoppen (as ze ongeveer 20 cm groot bin) t best. Arg jonge stengels kunnen egeten wörden as slaod. Van braandnetels ku'j bieveurbeeld soep, stamppot, thee of greune fruitdrankjes maken.

Vrogger verpakten ze botter, vis en vleis in braandnetelblaojen um ze langer goed te houwen. t Blik dat stoffen in braandnetel bakteriegreui tegengaon.[3] n Friese spesialiteit is braandnetelkeze. Vrogger gebruukten ze in o.a. t noordoosten van Nederlaand oek braandnetels, simpelweg umdat t gien geld kostten en prima te eten was. Tegenswoordig wörden braandnetels steeds vaker weer herontdekt as greunte.

Trivia[bewark | bronkode bewarken]

In Marshwood, n darpjen in Engelaand, wördt der jaorliks n wedstried "braandnetel eten" ehöllen.[4] Ze maken mit de vingers dan n proppe van de blaojen, mit de niet stekende onderkaante an de buten toe, en slikken de proppe dan deur. t Maagzuur neutraliseert dan de braandhaoren.

Nedersaksies[bewark | bronkode bewarken]

Referensies[bewark | bronkode bewarken]

  1. Info VARA Vroege Vogels 25-01-2015
  2. FLORON Verspreidingsatlas 2015
  3. Effect of usage Urtica dioica L. on microbiological properties of sucuk, a Turkish dry-fermented sausage, M. Aksu en M. Kaya
  4. Wedstried braandnetel eten in Engelaand, Nieuwsblad.be (18 juni 2005)

Uutgaonde verwiezing[bewark | bronkode bewarken]

Wikimedia Commons Commons: Braandnetel - plaatjes, filmkes en/of gelüüdsbestanden.
Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze.