Sik

Oet Wikipedie, de vraaie enzyklopedie
Gao naor: navigasie, zeuk
Tamn sik

Den tammen sik (Latien: Capra aegagrus hircus) is nen oondersoort van den weelden sik oet Zuudwest-Azië en Oost-Europa, den as duur de meansken etemd is. Den sik is een lid van de Bovidae-femilie, verwaant an et schoap. Disse beaiden heurt bie de sikantiloopn oonderfamilie Caprinae.

Tamme sikken beheurt tot de euldste temde beeste. Vuur doezende joaren wordt sikken al eheulden vuur öar vleais, melk, hoar en vel in een groot gedeelte van de wearld. In den lesten eeuw beent ze ook populair ewörden as hoesdeer.

Benaming[bewark | bronkode bewarken]

Den manneliken sik wörd nen bok eneumd, den vrouweliken sik het gewoon sik. Een joonk van den sik het een lam, en nen esnedenen (kastreerden) bok het nen wear(sik).

Et Tweants keant verskeaidene oetdrukkings woerin as nen sik eneumd wörd:

  • lachn as nen sik in de braandnetteln (Lachen as een boer met taandzearte)
  • Den kan nen sik tusken de heurns kussen (Den hef een spits, mager köpken)

Met sik kan bie leu ook kleain böardje an den kin bedoold wean. Dit verwis noar et plukken hoar wat sikken oonderan den bek hebt.

  • Den har dr al nen sik van (den veund et neet mooi mear, den har der gin wille mear an)

Wiedter wörd een drammerig jeunkn det vake de lippe löt hangen en doarduur aait krig wat he wil nen verweanden sik eneumd. Anstellerig göllen (huulen) wörd sikken eneumd.

Neersassies[bewark | bronkode bewarken]