Beef
Beef is ne reggaeband oet Neerlaand. Beef is op erichtet duur Pieter Both (zaank), Hans van Deijnen (drums) en Koen Lommerse (bas). De rest van de bandleedn keump en geet.
Beef[bewark | bronkode bewarken]
1999 wör Beef op erichtet. Eerst hadn ze ne eegne radioshow The Chop Shop op n kortn golf, wat vanof 2000 oawergung in rechtstreekse optreadns. Doarvuur wördn twee gitaarspöllers an ehaald (Twan van Gerwen en Bram Wouters) en nen toetsenist (Bas van den Biggelaar). Öare muziek was vake nen mengeling van verskeaidene stieln zo as ska, reggae en rocksteady en völle rockinvloodn. Ook deedn ze in det joar optreadn op Lowlands en kömn ze met öare eerste plaate Flexodus. Ze spöln op grote festivals zo as Noorderslag in Grönningen en maakn doarbie naam, zodet ze n vast koppel anhangers kreegn.
Noajoar 2001 köm öare nieje plaate oet, den't kortweg Beef heetn. Disse plaate wör in Londen op enömn met producer Bitty McLean (den't zelf bekeand is van oonder mear UB 40 en Sly & Robbie). Op disse plaate kömn de bloazers van de bekeande Jamaikaanse groep The Matic Horns n nommer metspöln. As lösse nommers wördn Late Night Sessions, Memory Fastforward en Alice (I Want You Just For Me) oet ebracht. Vanof disse plaate deed de band allene nog met de Jamaikaanse stielen en leutn ze de rockinvloodn mear vort.
Op 23 februwoari 2003 wun Beef nen Zilveren Harp. In november van detzelfde joar treuk Beef roond duur Zuud-Afrika, met as heugtepeunt n optreadn op t Oppikoppi-festival.
Zommer 2004 nömn ze ne nieje plaate op (Last Rudy Standing) woerbiej ze hulpn wördn duur Michel Schoots, den't bekeand is as drummer van t Urban Dance Squad. Eand februwoari 2005 was de plaate kloar. In det joar treukn ze nog n moal roond duur Burkina Faso in West-Afrika en deedn ze optreadn op Pinkpop.
Op 11 oktober 2006 leut Beef op öare webstea weetn det Hans van Deijnen oetskeaidn met spöln bie Beef. Zinnen vervanger was Jonas Filtenborg. Van Deijnen is non chef bie ne tattoeazieweenkel in Eandhoown.
April 2008 köm de volgende plaate oet, dee't The Original heetn, woerop in 2009 de verzamelplaate Favorites oetköm, woeroet blik det Beef dr tiedelik met oetskeaidt.
Discografie[bewark | bronkode bewarken]
Albums[bewark | bronkode bewarken]
| Albums mit hitnoteringen in de Nederlaandse Album Top 100 | ||||||
| Titel | Daotum uutebröcht |
Daotum van binnenkomst |
Hoogste posisie |
Antal weken |
Opmarkingen | |
|---|---|---|---|---|---|---|
| Babylon by Beef | 03-03-1999 | - | ||||
| Flexodus | 01-01-2000 | - | ||||
| Beef | 01-06-2002 | 13-07-2002 | 32 | 21 | ||
| Last Rudy standing | 28-02-2005 | 26-03-2005 | 22 | 14 | ||
| Last Rudies live - The singles | 20-02-2007 | - | ||||
| The Original | 07-04-2008 | 12-04-2008 | 24 | 8 | ||
| Favorites | 20-04-2009 | - | ||||
Singles[bewark | bronkode bewarken]
| Enkelspeulplaoten mit hitnoteringen in de Nederlaandse Top 40 | ||||||
| Titel | Daotum uutebröcht |
Daotum van binnenkomst |
Hoogste posisie |
Antal weken |
Opmarkingen | |
|---|---|---|---|---|---|---|
| Rich man | 2000 | - | ||||
| Fifty fifty | 2000 | - | ||||
| Beef are gonna rec it | 2001 | - | ||||
| Late night sessions | 01-05-2002 | 13-07-2002 | tip22 | - | ||
| Memory fast forward (Rewind!) | 10-2002 | - | ||||
| Alice (I want you just for me) | 2003 | 21-06-2003 | 35 | 2 | ||
| Cashin' the money | 03-2005 | - | ||||
| I would stay | 2007 | - | ||||