Drums

Uut Wikipedia, de vrye encyklopedy
n standaard drumstel: Bass drum (1), floor-tom (2), snaredrum snarentrom (3), high-tom mid-tom low-tom (4), hi-hat (5), bekns (6)

n Drumstel (ook: drums) is ne opstelling van n antal slagwoarkinstrumeantn, dee duur een persoon bespöld wörd. Nen spöller van n drumstel wörd nen drummer neumd. Drums zeent aait al n belangriek oonderdeel van muziek oawer de hele wearld. Toch is t drumstel in de hudige vorm pas in t begin van t 20ste joarhoonderd ontstoan vanoet de Amerikaanse jazz-muziek.

Drumsteln in de hudige vorm wordt rechtevoort zowat in elken muziekstiel gebroekt.

Oonderdeeln[bewark | bronkode bewarken]

n Standaard drumstel besteet oet n poar tromn en een antal bekns:

De basis van n drumstel besteet oet nen bassdrum, de snaredrum en nen hihat. n Bassdrum wördt met n vootpedaal bespöld en gef de lege klaankn. De kleaine tromme gef n teegnslag vuur de bassdrum. Oonder t euntervel van n snaredrum is n mätjen met metaalne snoarn espönn. Hierduur maakt n snaredrum n fel en schoarp geluud a'j dr op houwt. n Hihat is nen beknset op nen standaard den't met n voot lös en dichte doan kan wordn. Bie nen dichten hihat kleenkt nen kortn tik a'j dr op houwt. A'j ne lösdoot, trilt de bekns teegn mekoar en krie'j n sisnd geluud.

De velle wordt van alle trommels zo espönn, det t geluud van iedere tromme op mekoar is ofestemd.

Spölwieze[bewark | bronkode bewarken]

Drummers bespölt t drumstel met drumstökke of kwäste. De stökke geewt n hard geluud, de brushes geewt n zach en soezend geluud. Drummers mut de haande en veute onofhaankelik van mekoar könn beweagn in n bepoald ritme.

Wat bekns angeet, is dr n verskil tusken slagbekns (Engels: crash cymbals) en ritmebekkns (Engels: ride cymbals). Doarnöast zeentd r ook aparte soortn bekns zo as de 'splash' (klean slagbekkn met nen hoogn klaank) en de 'china' (n sjinees slagbekn met nen kortn en robuustn klaank).

Sommige drummers gebroekt twee bassdrums; mangs zeent disse nit geliek van deepte en umtrek. Mangs gebrok n drummer n dubbel bassdrumpedaal. Hiermet krie'j t effect van n dubbeln bassdrum zoonder det dr twee bassdrums stoat op-esteeld. Wieter gebroekt sommige drummers meerdere hihats en/of snaredrums um mear oetdrukkingsmeugelikheaid in de muziek te hebn.

Disse bladziede is eskreeuwn in t Riesns