Burkina Faso
| Burkina Faso | ||
 |
 | |
.svg) Kaarte van Burkina Faso
| ||
| Informasie | ||
| Sproaken | Mòoré, Dyula, Mandinka, Bambara | |
| Heufdstad | Wagadugu | |
| Regeringsvörm | Halv-presidentiäle Republiek | |
| Laand en inwonners | ||
| Oppervlakte - Water |
274.200 km² 0,146% | |
| Inwonners - Dichtheid |
15.730.977 57,4 inw./km² | |
| Koordinaten | 12° 20′ N, 1° 40′ W
| |
| Oaverig | ||
| Volksleed | Une Seule Nuit/Ditanyè (nen enkelen nacht)/Oaverwinningshymne | |
| Munteenheid | West-Afrikaansen Frank (XOF)
| |
| Tiedzone | GMT | |
| Web | Kode | Tel. | .bf | BF | 226 | |
Burkina Faso is en land in Westafrika. Et wördt mangs in et kort ouk wal Burkina nöömd. Et ligt ineslöäten tüsken ses landen: Mali in et noorden, Niger in et ousten, Benin in et süüdousten, Togo un Ghana up et süden un Ivoorküste nå et süüdwesten. De höyvdstad is Wagadugu. In 2011 had et oaver de 15,5 miljoon inwoaners. Et land hevt ne uppervlakde van 270.200 kilometers in et veerkant.
Burkina Faso heyteden eyrst Upper-Volta, mär up den 4. augustus 1984 verklården domålig president Thomas Sankara, et sol vanaf dan Burkina Faso heyten. De name is ne samenstelling uut de twey grötste språken van et land. Et woord burkina (eyrsame lüde) kümt uut de mòoré-språke un faso (vaderland) uut et djula. Burkina Faso bedüdt dan souvöäle as Vaderland van Eyrsame Lüde. De officiäle språke van de regeyring un in den handel was langen tyd fransk, mär is in 2024 ümmesat: moore, dyula, mandinka en bambara sint nu de officiäle höyvdspråken van et land. Wyders sint noch 60 andere inheymske språken erkend. Inwoaners van Burkina Faso nömet sik Burkinabé.
Tüsken 14.000 en 5000 vöär Kristus woanden der in et noordwesten van Burkina Faso jager-gadderaars. Tüsken 3600 en 2600 vöär Kristus begünden de lüde der med landbouw. Wat nu et midden van Burkina Faso is, höyden vöärnamelik by de Mossi-köäningryken by an. 1896 koloniseerden Frankryk et gebeed un makeden der nen beskarmståt van.
In 1960 wör et land selvstandig, wårnå der ne heyle rygel wesselingen volgden in regeyringen. Seyd 1987 was et ne halvpresidentiäle republik, do as Blaise Compaoré nen ståtsgreyp pleygden.
Vanaf 2010 had et land voordan meyr te lyden van upstanden in de sahelstreake. Verskeidene vechtgrupen, mangs wal of neet deyls aneslöäten by Islamitisken Ståt (IS) of al-Qaeda, vöchteden flink in de grensstreake med Mali en Niger. Meyr as 1 miljoon lüde van de 21 miljoon sint intern up de vlucht. Op 23. en 24. januåry 2022 was der weader nen ståtsgreyp döär et leager. President Roch Marc Kaboré wör ewipped. Den 31. januåry herstelden et leager den grundwet un weas Paul-Henri Sandaogo Damiba an as president, mär up den 30. september wör den ouk weader med nen ståtsgreyp ewipped. Kapitein Ibrahim Traoré küm der vöär in de steade.
Burkina Faso is aneslöäten by de Afrikaanske Unie, Gemeynskap van Sahel-Saharaståten, La Francophonie, Islamitiske Samenwarkingsorrganisaty un de Westafrikaanske Ekonomiske Gemeynskap.