Baors (gehucht)
|
Dit artikel gaot over de buurtschop in de Kop van Overiessel. Veur de vis muj bi'j baors wezen. |
Baors (Nederlaans: Baars) is een buurtschop in de gemiente Stienwiekerlaand, in de Nederlaanse perveensie Overiessel. De buurtschop lig in de Kop van Overiessel ten noordwesten van Stienwiek en ten oosten van de rieksweg A32.
Ten zuden van Baors viej, tussen de snelweg en de spoorliende Arnhem - Liwwadden, et geologisch monument Wolterholten. Dit bin 143 zwarfstienen an de onverharde weg Wolterholten, op de westelike flaanke van de Woldbarg. Bij de anleg van de A32, die deur de Woldbarg sneed, kwamen der tientallen stienen boven de grond. Daormit hef Riekswaeterstaot et monument emeuken. Verscheiden van de stienen hebben gletsjerkrassen. De stienen bin enummerd en op bodden kuj lezen wat veur stiensoorten of et bin. Naost et geologisch monument lig een heemtuun.[1][2]
Verwiezings
[bewark | bronkode bewarken]
 | Plaatsen in de gemiente Stienwiekerlaand |  | ||||||||||||
|---|---|---|---|---|---|---|---|---|---|---|---|---|---|---|
Oaveriessel · Steden en dörpen in Oaveriessel Nederlaand · Previncies · Gemientes | ||||||||||||||
|
Dit stok is eschreven in et Stellingwarfs van Stienwiekerlaand. |