Westervoort

Uut Wikipedie, de vrye encyklopedy
Naar navigatie springen Naar zoeken springen
Gemaente Westervoort
Vlagge van de gemeante Westervoort Waopn van de gemeante Westervoort
(Vlagge van Westervoort) (Waopen van Westervoort)
Lokatie van de gemeante Westervoort
Lokatie van de gemeante Westervoort
Informasie
Proveensie Gelderlaand
Heufdplaatse Westervoort
Geografie en bevolking
Öppervlakte
 - Laand
 - Water
7,85 km² km²
6,85 km² km²
1 km² km²
Inwonners
Bevolkingsdichtheid
15.720 (1 juli 2006)
2.295 inw./km² inw./km²
Koordinåten 51° 57′ N, 5° 58′ OKoördinaoten: 51° 57′ N, 5° 58′ O
Aoverig
Belangrieke verkeersaoders A12
Netnummer 026
Postkode 6930-6932
Offisiële webstie www.westervoort.nl

Westervoort is een darp en gemeente in De Liemers, in de Nederlandse previnsie Gelderlaanden hef ne oppervlakte van 7,85 km² (woarvan 1 km² water). Westervoort ligt bi-j Arnhem; noordelek van den Rien, oostelek van de Iessel, doar woar dizzen zich ofsplitst. Et is van eursprong ne heerlekheid mit den 'Heer van Westervoort' an et heufd. De gemeente Westervoort mek dele uut van de Stadsregio Arnem-Nijmegen.

Geskiednis[bewark | bronkode bewarken]

Ontstoan[bewark | bronkode bewarken]

Westervoort geet as neaderzetting tot deep in de Middeleeuwn trög. Den name Westervoort zol können duden op ne deurwoadboare plaatse (voorde) dee toogang gaf tot et westen. An-enommen wöd dat Westervoort et oldste darp in de Liemers is; den name kump veur op n perkament uut 726. Dat geskrift stamt uut de tied dat Werenfridus hier warken as missionaris. In den karktoorn, stammend uut de dartienden eeuwe, ku'j ene van de oldste getugen zeen van plaatseleken bouwtoostand. Eeuwenlange waren et de graven van Bergh dee de 'heerlekheid' Westervoort in eur bezit hadden. In 1735 wierden de Berghse rechten echter angekocht deur de stad Arnhem. Wat waterbeheersing betröf veel Westervoort under den Liemersen Schouwpolder. En umdat dit Kleefs gebeed was, was der in dee tied ok al sproake van grensoaverschriedende warkzaamheden. Samen mit Bahr en Lathum vormden Westervoort et buutenste onderdeale teagen de gevoaren dee Rijn en IJssel veural in den winter boden. Deur de riveren maken Westervoort tiedenlang ne afeslotten indrok. Et Westervoortse veere (woarop den name Veerwege nog wis) en tiedeleke skeepsbruggen verzorgden de verbinding met Arnem. De brugge bi-j Westervoort kump uut 1855, de eerste vaste brugge veur aander verkeer pas van 1901.

Et oldste bewonningsgebeed vind wi-j rundumme de hervormde karke, in de Klapstroate (tot Vredenburg) en an den Iesseldiek, Riendiek en Hoogend. Den langzamen greuj van et antal leu maken et neudig of te groaven. Noa veule generaties lang gebruukt te wean as laandbouw- en veeteeltgroond, mösten dizze groonden veur de huzebouw bruukt wödden. Westervoort was samen met Duven begin joaren '80 greujkern ewödden en et boernkarakter van de gemeente wierd tot n minimum trög ebracht. Enkele havezaten, mangs al in 1500 vermeld, loat tot op den dag van vandage de bouwwieze van vrögger zeen: Hamerden, Vredenburg, Lentsenburg en Emmerik. Benamingen van boerderi-jen en laanden bunt vereeuwigd in de stroatnamen van dee ni-je wieken.