Stichtse Vecht
| Gemeynde Stichtse Vecht | ||
 |
| |
| Vlagge van Stichtse Vecht | Wapen van Stichtse Vecht | |
.png) Lokaty van de gemeynde Stichtse Vecht
| ||
| Informaty | ||
| Provincy | Utrecht | |
| Höyvdplaatse | Meerssen | |
| Geografy en bevolking | ||
| Uppervlakde - Land - Water |
106,82 km² 96,62 km² 10,2 km² | |
| Antal inwoaners Inwoaners per km² |
63.767 (1 mei 2014) 660 inw./km² | |
| Koordinaten | 52° 12′ N, 5° 0′ O
| |
| Oaverig | ||
| Belangryke weagen | A2, N230, N201, N401, N402 | |
| Postkodes | 1393, 3600-3608, 3611-3612, 3620-3621, 3626, 3628, 3630-3634 | |
| Officiele websteade | ||
| www.stichtsevecht.nl | ||
Stichtse Vecht is n gemeente in de Nederlangdse provinsie Utrecht. De gemeente is op 1 jannewaori 2011 ontstaon deur samenvoeging van de gemeenten Breukelen, Loenen en Meerssen. Stichtse Vecht het ongeveer 63.000 inwoeners.
Ligging en indeling
[bewark | bronkode bewarken]Stichtse Vecht leit tussen de steden Utrecht, Hilversum en Amsterdam. Sentraol deur de gemeente loopt de rivier de Vecht. Vanaof de gemeente Utrecht liggen tal van plaotsen langes de rivier in de gemeente Stichtse Vecht. In t noordelike stroomgebied vallen plaotsen zo as Weesp en Mujen daorbuten.
De gemeente het twaolf kernen, die veural uut darpen of buurtsjappen bestaon. Ruwweg van noord naor zuud he'j de volgende kernen: Nigtevecht, Vreelangd, Loenersloot, Loenen an de Vecht, Nieuwersluus, Nieuwer Ter Ao, Breukelen, Kockengen, Meerssen-Darp, Meerssenbroek, Tienhoven/ (Oud) Meersseveen/ Bethune- en Meulepolder, en Oud-Zulen.[1]
| Angrenzende gemeenten | ||
|---|---|---|
| De Rongde Venen | Weesp | Wiejemeren |
 |
De Bilt | |
| Woerden | Utrecht | |
Gesjiedenis
[bewark | bronkode bewarken]Vanaof de middeleeuwen vormde de rivier "De Vecht" n belangrieke verkeersaoder. Vroege bewoening was der in de Vechtstreek op de oeverwallen. Daorbie wurren der an weerskangten van de rivier uutestrekte veenmoerassen. t Zujelike stroomgebied kwam in de middeleeuwen merendeels te vallen onger t Sticht Utrecht, t noordelike stroomgebied onger t Graafsjap Hollangd.[2] Gaondeweg wieren de moerasgebiejen langes de rivier op grote sjaol ontgonnen.
Langes de rivier wieren kastelen en dure huzen ebouwd waorvan der nog veul overengd staon zo as Slot Zuylen, Kasteel Nijenrode en ridderhofstad Gunterstein. In de 17e en 18e eeuw bouwden veural rieke Amsterdamse koopluui hun butenhuzen an de rivier. De zoemerse stank van de singels en grachten dreef ze naor de Vechtstreek. Veurbeelden van de in totaol 72 butenplaotsen binnen de gemeentegrenzen binnen Goudestein, Over-Hollangd en Rupelmongde. t Bröcht riekdom en welvaort in de darpen an de rivier.
In 2012 telde Stichtse Vecht ongeveer 760 rieksmonumenten en versjillende besjarmde darpsgezichten. Veural nao de Tweede Wereldoorlog is op n antal plekken binnen de gemeentegrenzen veul nieuwbouw ontstaon. Meerssenbroek as kern met t hoogste antal inwoeners (rongd de 23.000) is daor n veurbeeld van.
Foto-uutstalling
[bewark | bronkode bewarken]-
Topografiese gemeentekaart van Stichtse Vecht, september 2014 -
Butenplaots Vechtvliet langes de rivier de Vecht -
Polderlangdsjap bie de buurtsjap Spengen
Referensies
[bewark | bronkode bewarken]- ↑ Gemeente Stichtse Vecht, Kernen Stichtse Vecht (op-ezocht op 20 jannewaori 2012).
- ↑ Zie veur meer over de vroegmiddeleeuwse situasie met n gouw, de graaf en de bissjop in t artikel Nifterlake.
| Provinsie Utrecht | -Flag.svg){kind=small} | ||
|---|---|---|---|
|
|
Dit artikel is eskreaven in et westveluwske dialekt van Bunsjoten, in de Algemene Nedersaksiese Schriefwieze. |