Montfoort
| Gemaente Montfoort | ||
 |
| |
| (Vlagge van Montfoort) | (Waopen van Montfoort) | |
 Lokatie van de gemeante Montfoort
| ||
| Informasie | ||
| Proveensie | Utrech | |
| Heufdplaatse | Montfoort | |
| Geografie en bevolking | ||
| Öppervlakte - Laand - Water |
38,20 km² 37,57 km² 0,63 km² | |
| Inwonners Bevolkingsdichtheid |
13.996 (1 jannewaori 2019) 353 inw./km² | |
| Koordinaten | 52° 2′ N, 4° 57′ O
| |
| Aoverig | ||
| Netnummer | 0348 | |
| Postkode | 3417 | |
| Offisiële webstie www.montfoort.nl | ||
Montfoort is ne stad en gemeente in de Nederlandse previnsie Utrecht en hef ne oppervlaakte van 38,25 km².
Geskiednis
[bewark | bronkode bewarken]Umstreaks et joar 1170 leet biskop Godfried van Rhenen op n strategies punt langs den Hollandsen Iessel n kasteel bouwen. Dizzen burcht mos et Sticht Utrecht – et gebeed van de biskop van Utrecht – bescharmen teagen de anvallen van de Hollandsen graven. Boavendeen kon den biskop hiervandan et mangs reurige Utrecht under den doem holden. Et kasteel droog den name Kasteel Montfoort, den woarschienlek is ofgeleid van “Mons Fortis”, dat starken barg of burcht betekkent. Denzelfden plaatsname kump ok veur in Spanje en Portugal, zee Monforte. As kommandant van et kasteel wöd nen dienstkearl uut den ridderstaand beneumd. Dizzen kreg den titel van burggraaf van Montfoort, en ok wat in de umgaeving eleagen goderen. De burggraven ontpopten zich as machtige heern, dee nen belangrieken stempel drukten op de historie van de streake.
Rundumme et kasteel ontstond ne neaderzetting, dee in 1329 stadsrechten kreg. De stad Montfoort wierd ommuurd en der wödden ne grachte egroaven. In de ommuring bevonden zich 24 verdeadigingstoorns en n bolwark waorop de mölle stond. De stellingkoornnmölle van noe “De Valk” wierd in 1753 ebouwd op de plaaatse woar al sinds de middeleeuwn ne mölle stoand. Den veurgänger was deur den burggraaf ebouwd as dwangmölle. De leu van Montfoort en de umrengende noaberschoppen, woarunder Heeswiek, Achthoven, Mastwiek, Cattenbrook, Bloklaand en Willeskop, waren verplicht (under dwang) hier eur groan te loaten malen. Van de olde verdeadigingswarken van et stadjen rest alleneg de Iesselpoorte en n klein dele stadsmure langs den Provensialen weg en Achterdiek.
In 1629 kreg Montfoort te maken mit nen grootn stadsbraand, woarbi-j de St. Janskarke in de asse wierd elegd. Den herbouw van de hervormde karke van noe wodden in 1634 volteujd en kon mede wödden bekostegd uut den verkoop van laanderi-jen van de karke. In 1648 dwongen toornnhoge schulden den burggraaf ziene rechten en bezittingen in Montfoort te verkopen. De rolle van de burggraven van Montfoort was hiermet uutespöld. In et rampjoar 1672 wierd de stad bezet deur de Franse tröppe. Stadholder Willem III wist eur raps te verjagen, moar den vi-jand blees bi-j et vortgoan nog wal et middeleeuwse kasteel op. Den veurburcht blef beholden en wöd noe “et kasteel” eneumd.
Archeologie
[bewark | bronkode bewarken]In januari 2008 wodden der archeologies onderzook edoan an de Skoolstroate. Hierbi-j wödden resten van bewonning uut de veertiende tot zeuventienden eeuwe ontdekt. Ok blek hieruut dat de binnenstad in dee tied n vri-j oppen karakter had mit arven, graven, mest- en ofvalkulen. (ref:Onbekende auteur (2008). Archeologisch onderzoek Schoolstraat afgerond. Zenderstreeknieuws Montfoort/Oudewater, 23 januari 2008, p. 32.)
Karnen
[bewark | bronkode bewarken]Trivia
[bewark | bronkode bewarken]- In Montfoort is den renaissanceskilder Anthonie van Blocklandt en den organist en muziektheoretikus Hennie Schouten geboarn.
- In 1993 richen Mat Herben de lokale parti-je Leafboar Linschoten op dee later is oaver-egoane in Leafbaar Montfoort.
- Montfoort wöd rondum carnavalstied um-edeupt tot Knopengein.
Galeri-je
[bewark | bronkode bewarken]-
De Montfoortse Vaarte -
Poorte van et Kasteel -
Stroate in Montfoort
Uutgoande verwiezing
[bewark | bronkode bewarken]
| Provinsie Utrecht | -Flag.svg){kind=small} | ||
|---|---|---|---|
|