Salon (gouw)
Salon was de name van een Fraankische gouw in 't westen van wat as now de pervincie Overiessel is. De grèenzen leupen waorschienlijk samen mit de Iessel, de Vechte, 't Zwarte Water (of-eleid van zwet, wat grèenze beduudt), de Regge en de Skipbekke. Van Salon kump de hudige name Sallaand, die veur een groter gebied gebruukt wördt.
An de oaverkaante van de Iessel haj Felua (Veluwe); in 't noordwesten van Salon haj de gouw Swifterbant an de monding van de Iessel en 't Zwarte Water (in de vrogge middelieuwen is dizze gouw goeddiels weg-espuuld); ten noorden van de Vechte haj Treanth (Drenthe), in 't oosten haj Twente; tenslotte lag stroomopwaarts de Iesselgouw (Hisloa, Isloi). Urk was de graof van Salon ok de baos van.
't Gebied wördden vanof de 6e ieuw bewoond deur de Saksen; de dialecten die tègenwoordig wördt espreuken in Sallaand ('t Sallands) bint nog altied Nedersaksisch. Christelijke zendelingen hebt eperbeerd de bevolking te kerstenen, wat niet makkelijk verleup. Tiedens de Saksenoorlogen (772-804) wördden 't gebied onderwörpen deur de Fraanken en bi'j heur riek edaone as de gouw Salon.
Uutgaonde verwiezing
[bewark | bronkode bewarken]
|
Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek. |