Twente (gouw)
Twente vörmden in de Frankische tied een gouw, een gebied bestriekend det tègenwoordig roegweg de Nedergraofschop Benthem en 't oostelijke diel van Oaveriessel umvat. De name Twente kump waorschienlijk van de stam van de Tubanten.
Vrogste schriefvörmen[bewark | bronkode bewarken]
De gouw heure wi'j veur 't eerst van in 797 as pagus Northtuianti. Ok in 799 wördt 't gebied nog Norht-Tueanti enuumd, mar in 851 pagus Thuehenti en in de 11e ieuw Tuuente, Thuente. Vermoedelijk kwaamp in dizze ieuw 't noordelijke diel van de gouw in de macht van de heren van de Graofschop Benthem.
Ofbakening[bewark | bronkode bewarken]
De grèenzen van de gouw waren in 't noorden 't reviertien de Riest, det Twente van Drenthe scheidden, in 't zuden de gouw Hamalaand of de Graofschop Zutfent, in 't oosten de Graofschop Benthem (waorschienlijk strekten hum Twente hier töt an de Vechte uut), en in 't westen een diel van Hamalaand en Salon, daoras 't reviertien de Regge de gröppe vörmden. As toen nog heurend bi'j Twente wördt enuumd: in 799 Hasungum (de mark Hesingen, haalf Benthems) in 851 Wilshem (Wilsum in de Graofschop Benthem), en in 1131 Ulsnen (Uelsen in de Graofschop Benthem).
Bestuur[bewark | bronkode bewarken]
Uut een brief van de Utrechtse bisschop Bernold (véur 1054) blik det toentertied een Godescalcus graof van Twente was ("infra comitatum Godescalci comitis Thuente nuncupatum"). Ok blik uut dizze brief det Gore, 't hudige Goor, as heufdstad gold.