Lös veur

Lös veur, ondertitel: Literair magazine uit het oosten, is de titel van 't nulnummer van een epland tiedschrift veur literaire schrieverije in 't Nedersaksisch en Nederlaands. Dit nummer, waor gien wiedere nummers op volgden, verscheen end 2021. Lös veur wördden uuteprakkezeerd deur de Riessense schriever Gerrit Dannenberg mit vief aandern.

Lös veur kwaamp voort uut de literaire bezigheden van wat schrievers in de Niejen Bodbreef van de Kreenk vuur de Twentse Sproak. Een wiedere anleiding veur 't willen opzetten van een ampart literair tiedschrift was Riessender Martin ter Denge zien gastredacteurschop van Drèents letterkundig tiedschrift Roet (harfst 2021, 'Themanummer Nedersaksisch oet Overiessel').

De titel van 't neie blad kwaamp van wat schriever Gerrit Kraa ies zee aover een verhaal det e naor Dannenberg stuurde: "Voor publicatie of het lösse veur", oftewal 't lösse heerdvuur. Dannenberg mus daorbij dèenken an Herman Finkers zie boek Verhalen voor in het haardvuur.

In 't nulnummer van Lös veur bint bijdrages te vienden van Arie Jansen, Jan Slofstra, Gerrit Kraa, Martin ter Denge, Gerrit Beunk en Gerrit Dannenberg.

Uutgaonde verwiezing

• Tubantia: Twentse streektaalschrijvers presenteren nieuw magazine: Lös Veur, deur Hans Brok, 29 december 2021

Dit artikel is eschreven in 't Zuudwest-Drèents.