Lös veur
Lös veur, ondertitel: Literair magazine uit het oosten, is een tiedschrift veur literaire schrieverije in 't Nedersaksisch en Nederlaands. 't Nulnummer verscheen end 2021; een tweede nummer kwaamp eerst in jannewari 2024 uut.
Ontstaon
[bewark | bronkode bewarken]Lös veur wördden uuteprakkezeerd deur de Riessense schriever Gerrit Dannenberg mit vief aandern. 't Kwaamp voort uut de literaire bezigheden van wat schrievers in de Niejen Bodbreef van de Kreenk vuur de Twentse Sproak. Een wiedere anleiding veur 't opzetten van een ampart literair tiedschrift was Riessender Martin ter Denge zien gastredacteurschop van Drèents letterkundig tiedschrift Roet (harfst 2021, 'Themanummer Nedersaksisch oet Overiessel'). 't Veurbield van Roet inspireerde Ter Denge zien plaatsgeneut Dannenberg.
De Riessenstalige titel van 't blad kwaamp van wat schriever Gerrit Kraa ies zee aover een verhaal det e naor Dannenberg stuurde: "Voor publicatie of het lösse veur", oftewal 't lösse heerdvuur. Dannenberg mus daorbij dèenken an Herman Finkers zie boek Verhalen voor in het haardvuur.
Nummers
[bewark | bronkode bewarken]In 't nulnummer van Lös veur bint bijdrages te vienden van Arie Jansen, Jan Slofstra, Gerrit Kraa, Martin ter Denge, Gerrit Beunk en Gerrit Dannenberg. In nummer tweie viej zowal nei wark as eerder epubliceerd wark en stokken van historische schrievers, asok vertalingen en illustraties. Der is wark openeumen van Arie Jansen, Pieter den Hertog, Chris Canter, Martin ter Denge, Gerrit Kraa, Henry Wolterink, Toon Kortooms, Gerrit Dannenberg, Jan Slofstra, Art Assink, Hans van Straten, Kees Jansen, Jan Poortman (niet de Drèentse schriever) en Rudolf Kinau.
Uutgaonde verwiezings
[bewark | bronkode bewarken]- Tubantia: Twentse streektaalschrijvers presenteren nieuw magazine: Lös Veur, deur Hans Brok, 29 december 2021
|
Dit artikel is eschreven in 't Zuudwest-Drèents. |