Chris Canter

Uut Wikipedia, de vrye encyklopedy
Nå navigaty springen Nå söken springen

Chris Canter (Zwolle, 1980) is nen skryver en dichter in et neadersassisk. Van syne hande küm under meyr de verhalenbündel Moenen uut.

In 2006 debuteerden Canter in et drentske literäre tydskrivt Roet, med ne ümmesetting van et neagende-eywske latynske leed Ut quid iubes pusiole. Twey jår dårup küm syn eyrste eygene verhaal in datselvde blad. Seyd dee tyd sint dårin med regelmåt verhalen en essays van em te leasen. Up internet swarvet twey neaderlandske verhalen van em.[1]

Wyders warkeden hee med an Vueltaal. Op fietse deur Drenthe, en böökske van et drentske Huus van de Taol, wat uutegeaven wör vanweage de start van de Runde van Spanje (de Vuelta) in de Provincy Drenthe. Dårin warren verskillende handige sinnekes in neaderlandsk, drentsk en spaansk upenöämen. De spaanske oaversettingen warren van Canter.

Wat dichterye angeyt warket Canter vake tüsken verskillende språken. Hee düt vöäle oaversetten uut et engelsk in et neadersassisk, mär ouk franske en spaanske sittet der tüsken.

Skryvstyl[bewark | bronkode bewarken]

As skryver valt Canter up döär syne bealdende, ryke wyse van uutdrukken. In al syne verhalen, of dee nu in Oaveryssel of Drenthe spöälet of wyd dårbuten, probeert hee en neadersassisk språkgevööl te leggen. Mangs sittet der verwysingen når oustneaderlandske jöägdkultuur in, sou as de autorodeo, al mag hee dår gaerne van afwyken. In synen verhalenbündel Moenen (2019) kaart hee ouk gröätere tema's an, sou as upwårming van de aerde en vlüchtelingenproblematik.

In vöäle van syne warken vervaget de grensen tüsken wat natuurlik is en wår as de fantasy et unverwachts oavernemt, mangs by et kafkaeske af. Eygentydsk is et altyd.

Persöönlik[bewark | bronkode bewarken]

Canter wör geboaren in Zwolle as söäne van nen britsken vader en noordoaveriesselske moder. Hee brachten en grout deyl van syne jöägd döär in et kortby liggende dorp Nylüsen. Dårnöäst hevt Canter family in Süüdafrika. Et leaverden em en stark untwikkeld gevööl vöär språken up. Canter küürt en skrivt selv nöäst neadersassisk ouk neaderlandsk, afrikaansk, engelsk, düütsk, fransk en spaansk. Wyders hevt hee interesse in däänsk en kornisk. Ouk sint bydragen an de neadersassiske wikipedia deyl van syne leevhebberye, wårby as hee vöärnamelik skrivt oaver literatuur.

Ouk binnen et neadersassisk weat hee nen weg tüsken verskillende drentske varianten en et stellingwarvsk.

In et dagelikse leaven is Canter oaversetter van beroop en woanet in Madrid.

Uutgaves[bewark | bronkode bewarken]

  • Moenen (2019)

Brunnen[bewark | bronkode bewarken]

  1. Dbnl.nl. Digitale Bibliotheek voor de Nederlandse letteren. "Chris Canter". Bekeaken up den 18. määrt 2021.