Ton Peters
Ton Peters (Dieren, 1952) is een dichter, schriever en redacteur die hum reurt in de Drèentse literaire wereld. Hij schref in 't Nederlaands en Drèents.
Peters hef jaoren in 't onderwies ewarkt en verhuusde begun jaoren tachtig vanuut Gorinchem naor Drenthe, waor e 't Drèents leerde. Zien wark bestiet onder meer uut cabaretliedties, verhalen, gedichten, light verse, liedteksten en besprekings. Onder de tiedschriften daor as e in epubliceerd hef, vaalt De wasknijper, De tweede ronde en Drèents letterkundig tiedschrift Roet. Van 't leste tiedschrift is e redacteur.
Mangs gebruukte Peters 't pseudoniem Otto van Gelder. Hij schref 't liefst vörmvaste poëzie, zoas sonnetten en rondielen.
Peters hef verscheiden literair-culturele evenementen initieerd, schref teksten veur cabaretgroepen en gef warkwinkels poëzie. In 1992 was e betrökken bij de oprichting van 't Drents Light verse Genootschap, umdet e 't wark van Drèentse dichters nog aordig zwaor op de haand vund.
In 2000 wun hij 't Noord-Nederlands Liedjesfestival mit de tekst van 't lied 'De allerlaatste winkel'. In 2007 organiseerde e mit Jan Veenstra de Zeuvendaagse, een zeuvendaagse literaire umstruning deur Drenthe, daor as tientallen schrievers an mitdeuden.
Dichtwark van Peters is verschenen in verscheiden bibliofiele uutgaven en bloemlezings.
Recentere publicaties
[bewark | bronkode bewarken]Veur de Drèentse boekenweke van 2009 schreef Peters mit Jan Veenstra Dörpsstraot oes Dörp (Het Drentse Boek). Peters dreug 33 Drèentstalige gedichten en Veenstra 33 verhalen bij, daorin as in een dörpskroniek de Drèents beschreven wördt.
Mit Rob Boudestein, Gezienus Omvlee en Ben Hoogland schreef Peters in 2012 de sonnettenbundel De dood en het peloton (Passage). Ok dreug e bij an 't in 2014 verschenen Drenthe is best mooi (op Google Maps). Drenthe in lichte gedichten (Het Drentse Boek).
Uutgaven van 't Huus van de Taol daor as Peters an bijedreugen hef, bint Vueltaol. Op fietse deur Drenthe (2009), Mag Majesteit hier wel wezen? (2013) en Deurtrappen! Op fietse deur Drenthe (2014).
In 2013 verscheen Peters zien bundel Vanwege het getal. Gedichten tot 2013 (Ter Verpoozing), mit Nederlaands- en Drèentstalig wark.
In 2018 prissenteerde het Drents Light verse Genootschap de bundel Binnenkort uitverkocht. (Het Drentse Boek).
In 2019 verscheen De maon hef nacht under de nagels (Het Drentse Boek), een bundel mit gedichten van de Amerikaanse dichter Ted Kooser en Drèentstalige aoverzettings deur Peters. 't Was veur 't eerst det gedichten van Kooser in een Nederlaandse uutgave verschenen.
Bronnen
[bewark | bronkode bewarken]- Nijkeuter, Henk (2016), Waor roet en blommen wortel schiet in 't veld: Geschiedenis van de Drentse literatuur 1945-2015, Beilen: Het Drentse Boek
- 't Huus van de Taol aover Ton Peters
|
Dit artikel is eschreven in 't Zuudwest-Drèents. |