Egbert Meyers

Uut Wikipedie, de vrye encyklopedy
Naar navigatie springen Naar zoeken springen

Egbert Meyers (artiestenname van Egbert Albertus Meijers) (Grol, 15 juni 1948) is een Drèentse tekstdichter, vertaler, skriever, liedtiesmaker, zanger, programmamaker en prissentator.

In de meziek[bewark | bronkode bewarken]

In de jaoren zeubentig speulde Meyers deur het hiele laand zien countrymeziek en bluegrass, mit as inspiraotie onder aandern Hank Williams en Jimmie Rodgers. Een plaotencontract det ze hum anbeuden sleug hi'j of, umreden det hi'j zien artistieke vri'jheid niet kwiet wol. Meyers is mit oprichter (1982) van 't jaorlijkse Big Bear Festival in Zuudlaoren, waor as ze traditionele Anglo-Amerikaanse muziek speult.

In de Hunebed-Turboshow in 1983 meuk hi'j, anefieterd deur Albert Haar en Marga Kool, zien debuut met liedties in 't Drèents. Nao mit een band te hebben espeuld gunk Meyers allennig wieder als singer/songwriter in Nederlaand en Duutslaand. Mit zien serieuze, sociaol bewogen skrieveri'je was hi'j een uutzundering binnen de Drèentstalige meziek; die was toen ja veural lichtvoetig. Hi'j warkten samen mit artiesten uut binnen- en butenlaand (Harry Muskee, Sally van Meter, Si Kahn, de Hopi drum- en zanggroep The Sacred Star Singers). Nao een bezuuk an Austin, Texas in 2004 brocht hi'j de Engelstalige plaot Bluebonnet Blues uut waorop hi'j in de maande mit Nederlaandse en Amerikaanse muzikaanten speult. Dizze Amerikaanse inspiratie lek veul op Daniël Lohues zien project Lohues & The Louisiana Blues Club.

Partie musici hebt liedties van Meyers vertaald en uutebrocht, ok in 't Platduuts.

Streektaalanfieteraor en wiedere wark[bewark | bronkode bewarken]

Van 1988 töt 2001 warkten Meyers as streektaalfunctionaris bi'j 't Project Culturele Educatie van de stichting Drentse Taol. Hi'j organiseert en professionaliseert streektaalactiviteiten in en buten Drenthe en fietert 't zingen in de streektaal an. Sund 2001 warkt-e as maker en prissentator van streektaalprogramma's bi'j RTV Drenthe.

Meyers zet hum ok in veur de cultuur van de Noord-Amerikaanse indiaans en is betrökken bi'j NANAI, de Netherlands Association for North American Indians. As dichter en vertaler hef hi'j in 't tiedskrift Roet epubliceerd.

Plaoten[bewark | bronkode bewarken]

  • Tweiduuster (lp, 1988)
  • Waorum de wereld braandt (cd, 1995)
  • Dreuge dunder (cd, 2000)
  • Bluebonnet Blues (cd, 2007)

Citaot[bewark | bronkode bewarken]

een laote liester in 'n perenboom
zingt een vergeten lied
de zun kleurt 't westen rood
d'aovend is gloeiend hiet
op de A28 over 't asfalt doods en gries
schof 'n file traog verdan
deur 't verleuren paradies
Uut 't lied Ieuwig paradies

Bronnen[bewark | bronkode bewarken]

Nuvola apps ksig.png Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.