André Manuel

Uut Wikipedia, de vrye encyklopedy
André Manuel

André Manuel (Deepn, 1966) is nen Tweantsen muzikaant en komiek. Vanof 1985 dut he vroagstukke oet de moatskoppieje behaandeln met zinnen band Fratsen.

As disn band dr met oetskeaidt, keump Manuel in 1996 met ne vuurstelling den at de titel Krang dreg. n Programma doarop dut he ook optreedn met nen band den at Krang het. Doarnöast blif he ook solo op de plaankn stoan.

Mear hee dut al earder komiek spöln, want in 1989 krig he de Persoonlikheaidspries van t Kammeretn, en in 1990 de jurypries van t Leaids Kabaret Festival.

Met Krang krig Manuel in 2000 nen Zilvern Hoarp. In 2001 keump he in t niejs duurdet he tiedns t kunnigwordnsbezeuk an Oaweriessel van Preens Wilm-Alexander en Maxima Zorreguieta n kul oet de bokse haalt. Dit deed he, zear he, um de leu oawer ne Reppubliek te loatn deankn.

In 2004 skeaidt dr Krang met oet. Manuel geet allene verdan.

Seend t begin van 2008 hef Manuel wier nen niejn band: "André Manuel & De Ketterse Fanfare". Met disn band geet he vandaag an n dag duur t hele laand. Oonderwiel hef he doarmet al twee CD's oet-ebracht: Op Verzoek van de Goden (2008) en Tjuup!(2009).

Hee hef ook nog n bölken akteerd in de soapriege Van Jonge Leu en Oolde Groond van RTV Oost. Hierin spölt he Jens van Beantem, nen peardetrainer den at duur n ongeval zelf nit mear kan peardriedn.

Vearder hef he nog zin eegn stukn in t radioprogramma De Andere Wereld van de IKON. In 2012 maakn he t ankondigingsmuzieksken vuur de komedieriege Groote Markt 30 van RTV Oost, saamn met Daniël Lohues.

Komiese oetvoerings[bewark | bronkode bewarken]

  • Ik wil een beest in bed (1990)
  • Indianenverhalen (1992)
  • Alles moet weg (1994)
  • Krang (1996)
  • Braaf (1998)
  • De kluts (2000)
  • Tier (2001)
  • Sleet (2003)
  • Lazarus (2005)
  • Burger (2006)
  • Voor God noch Vaderland (2008)

Oetgoande verbeending[bewark | bronkode bewarken]