Reformasie

Oet Wikipedie, de vraaie enzyklopedie
Gao naor: navigasie, zeuk

De Protestaantse Reformasie (hervörming) was nen tweestried in et westerse Kristendom. Et wör in et 16de joarhoonderd in gaank zat duur Maarten Luther, Johannes Calvijn en aandere protestaanten. Den anvaank wörd vake in 1517 erekkend, doo as Maarten Luther 95 stellingen an de dure van de Slotkoarke in Wittenboarg spiekerden. Hierin klaagden Luther et koarkbesteur van de Rooms-Katholieke Koarke an um öar machtsmisbroek.

Duur de reformasie köm der oonderskeid tusken de (nieje) Protestaanten en Katholieken. De Protestaanten kregen rap mear anhaank, umdet de bookdrukkerieje opköm en doarduur ideeën rap verspreaidt konden worden. verskillende Europese oadelike huuze gungen oawer, woerduur der meardere godsdeenstoorlogen ontsteunden.

De Rooms-Katholieke Koarke learden at een meanske zelf vuur zinne redding van de hölle mos zorgen. Luther meanden van neet en baseerden zik doarbie op tekste van den Paulus den Apostel. Den skreef at redding duur genade van God köm en neet oet woarken van een meanske. Luther was vuural fel op haandel in ofloatbrewe.