Annie Schreijer-Pierik

Uut Wikipedie, de vrye encyklopedy
Naar navigatie springen Naar zoeken springen
Annie Schreijer-Pierik

Johanna Maria Gertruida (Annie) Schreijer-Pierik (Depen, 17 februwoari 1953) is ne Nederlaandse boerinne en politiekvrouwe. Vuur et CDA is he lid van et Europees Parlemeant.

Schreijer-Pierik keump oet et Rooms-Katholieke kearkdoarp Hengevelde, woar as he met öare femilie ne boerderieje beheart. Noadat he har leard veur de landbouw-huishoudskole volgden he langs ne oawendskole van 1976 tot 1979 et Middelbaar Algemeen Voortgezet Onderwijs (Mavo). Van 1991 tot 1995 was he lid van de gemeanteroad in Ambt Dealden en van 1995 tot 1998 was he lid van de Provinsiale Stoaten van Oaweriessel. Van 19 mei 1998 tot 17 juni 2010 was he Tweede Kamerlid. As kamerlid was he seend 2004 veurzitter van de vaste kommissie veur Laandbouw, Natuurbehear en Voedselkwaliteat.

In mei 2014 wörden Annie Schreijer-Pierik in et Europees parlement ekoazen. Bie de verkiezingen kreag he 113.123 veurkeursstemmen. In et Europees parlemeant is he lid van de road veur Milieu, Laandbouw en Viskerieje.

Annie Schreijer-Pierik maekt heur stark veur et behoold van et Nedersaksisch. Ze orgeniseerde september 2016 een konfereensie in et Europarlement om de meugelikheden nao te gaon. De anwezigen kregen zoe’n vuuftien flitsprissentaosies van deskundigen, vaeke in et Nedersaksisch of Nederduuts. Tussendeur gavven Schreijer-Pierik en Duutse kollega Jens Gieseke ofwegings en meugelikheden. De Europese Kemmissie het toezegd goeie projekten subsidiëren te willen en nuumde et kader. De Raod van Europa beschreef kot de warking van et Europees Haandvest veur regionaole taelen of taelen van minderheden. "

Schreijer-Pierik is ok ambassadeur van streektaelorgenisaosie SONT (www.sont.nl).

Persoonlik[bewark | bronkode bewarken]

Annie Schreijer-Pierik is trouwd en hef dree keender. Hee heurt bie de Rooms-Katholieke Keark.