Chamoaven

Uut Wikipedia, de vrye encyklopedy

De Chamoaven waren n Germaans volk, dat later tot et stamverband van de Franken wöd erekkend. Et gebeed dat zi-j bewonden lag an den rechteroover van den Rien, westelek van de Friezen, wat vandage den Achterhook en et deel Groafschap Bentheim in Nedersaksen is. Euren name laeft nog wieter in den streke van Hamaland, tussen den Neder-Rijn en den Iessel.

De Romeinse laandkaarte dee bekand steet as de Peutinger-kaarte hef rechts van den Rijn n opskrift wat mangsmoal begreppen wödt as: Hamavi qui et Franci, wat betekkent: 'de Chamoaven dee ok Franken [bunt/wödt eneumd]'.

De Chamoaven bevonden zich volgens Tacitus zien Germania westelek van de Friezen.[1] De Bructeren dee-t doar eerder wonden bunt deur de Chamoaven vermeudelek noar et zuuden verdraeven.

De Chamoaven stoat beskraeven in den Notitia Dignitatum as nen Romeinsen laegereenheid.

Rifferenties[bewark | bronkode bewarken]

  1. Publius Cornelius Tacitus, De origine et situ Germanorum, book 34. Ok digitoal op www.thelatinlibrary.com