Bructeren

Uut Wikipedia, de vrye encyklopedy

De Bructeren (Lat. Bructeri of Boructuari) waren nen olden West-Germaansen stam, woarvan de leu laefden in et Münsterlaand van vandage, zudelek van et Teutoburger Woold van rundumme 100 v.Chr. tot 350 noa Chr. Later is dizzen stam op-egoane in de grotere Frankiese gemeenschop.

Oaver eur is bekand dat zi-j in verbond met Cherusken en anderen den Romeinsen generoal Varus verslogen in den bekendenden slag in et Teutoburger Woold in et joar 9 noa Chr. De Bructeriese profetes Veleda stond in hoog anzeen bi-j heuren stam. Volgens Tacitus veurspelden zi-j de oaverwinning van de Bataven eleid deur Julius Civilis in euren opstaand teggen de Romeinen. De beste plaatse um gegaevens oaver dee Bructeren te vinden is in Soest (Westfoalen). Den name van et darp Brochterbeck (district Steinfurt) vundt zien eursprong in den stamname van de Bructeren.

Volgens Tacitus (35) hef den Germoansen stam Chamoaven et laand van den Bructeren oaver-enommen.

pulsis Bructeris ac penitus excisis vicinarum consensu nationum...
dee Bructeren bunt verjaagd en bi-jnoa uut-estoarvn bi-j nen krieg mit noaberstammen.

Toch wödden dee Bructeri ok later nog eneumd. Uut et begin van den veerde eeuwe kent wi-j de Bructeriese vörsten Ascaricus en Merogaisus. In 307 wierd euren stam versloagen deur keizer Constantien. De gevangen enommen vorsten leet e in den arena van Trier veur de wilde beestn smieten.
Op de Peutingerkaarte (3de/4de eeuwe noa Chr.) wödden de Burcturi eneumd in et gebeed rechts van den Rijn teggenoaver de staedn Bonn en Köln.

Nen laegereenheid van de Bructeri in Romeinsen deenst wödt beskraeven in den Notitia Dignitatum uut et eerste kwart van de 5de eeuwe noa Chr..

Zee ok[bewark | bronkode bewarken]

  • Valuas, legendarischen heufdman van de Bructeren

Bronne[bewark | bronkode bewarken]