Bob Marley

Uut Wikipedia, de vrye encyklopedy
Bob Marley
Bob Marley tiedns een van zien leste optreedns, in Zürich, 1980
Bob Marley tiedns een van zien leste optreedns, in Zürich, 1980
Algemene informasie
Geboren 6 februwoari 1945
Sturven 11 mei 1981
Spraoke Engels, Jamaikaans Kreool
Genre Reggae
Offisiële webstee
http://www.bobmarley.com/

Robert "Bob" Nesta Marley (6 februoari 1946 - 11 mei 1981) was nen Jamaikaansen zanger, leedkesskriewer, gitarist en aktivist. Hej Wör duur mekaar zeen as n bekeandsten en meest invloodrieken reggaemaker.

Zin bekeandste nommers beent "No Woman No Cry" (Nee, vrouwke, neet huuln), "I Shot the Sherrif" (Ik skeute n sherrif daale) en "One Love" (Ene leefde).

Noa dat he oet de tied köm, is dr n Album van zinne bekeandste nummers oet egiewn ("Legend") den met 12 miljoen kopiejn t meest verkochte reggae-album van de wearld is.

Vraue leawn en loopbaan[bewark | bronkode bewarken]

Marley wör geboorn n klean pleatsken, Nine Mile (Niegn Mijl) in Jamaika. Hei heetn offisjeel Nesta Robert Marley, mear eenn den at zin paspoort maakn mos, wisselden ziene naamns umme. Zien vaar was nen blaankn Jamaikaansen marineoffisier met Engelse vuurooldn, den in Liverpool woondn. Den gaf Bob zien moo wal geeld, mear hei hef zik noadat Bob geboorn was nooit wier zeene loatn. Hei köm oet de tied toew at Bob 10 joar oold was. Bob wör in zinne jeugd völle ploagnd duur blaankn, mear ook duur de zwartn, umdat hei van genne van bealn nen echten was.

Noa at zien vaar oet de tied köm, verhuusdn he met zien moor noar Kingston Trenchtown. Doar wör he wier völle ploagnd um ziene kluur en um ziene leankte (1,63 m). Doar leardn he zikzölf te verdeadign, wat um naar good lukn. Doarumme kreeg he n skeeldnaamn "Tuff Gong" (Jamaikaans Patois vuur t Engelse tough going) wat later n naamn vuur zien eigne opnamestudio wör. Hei wör kammeröa met Neville Livingston, den at zik later Bunny Wailer neumn.
Toew at he 14 was, gung he van skole en gung in de lear biej nen lasser. In ziene vrieje tied maakn he muziek met zien moat Bunny en Joe Higgs, nen plaatseliken zanger. Den wör Bob zien leraar. Tiedns eene van disse muzieksessies wördn ze kunnig met ene Peter McIntosh, den zik later Peter Tosh neumn. Bob was van hoes oet slim Rooms, mear hei bekeardn zik töt t rastafarianisme, woervan he n boskop aaltied vuurop de tonge har.

Muziekloopbaan[bewark | bronkode bewarken]

In 1963 zat Bob Marley met Bunny Wailer, Peter Tosh, Junior Braithwaite, Beverly Kelso en Cherry Smith in n groepken wat zik The Teenagers neumn. Den naamn veraandern ze later noar The Wailing Rudeboys en vervolgens in The Wailing Wailers. In den tied wördn ze oontdekt duur plaatnmaker Coxsone Dodd. Doarnoa veraandern ze öarn naam noar The Wailers. Öarn single "Simmer Down" oet 1964 wör nen nommer 1-hit in Jamaika, met ne verkoop van 70.000 singels. Vanof det oognblik hadn ze toogang töt bekeande Jamaikaanse muzikaantn.

In 1966 warn allene Marley, Livingston en McIntosh nog oawer van "The Wailers". In detzelfde joar trouwn Marley met Rita Anderson, dee ene van de zängeressen oet Bob's latere achtergroondkoorken The I-Threes was. Marley verhuusdn met ziene vrouwe noar Wilmington, Delaware in de Vereanigde Stoatn, woer at hei verskeadene baankes har.

Marley was streng Rooms-Katholiek op evoedt. Mer gedoernde de zestiger joarn raakn hei interesseerd in t Rastafarianisme. Dau at hei wierköm noar Jamaika, nöm hei det geleuf offisjeel an en leut de dreadlocks, de kenmaarkende knuphöare, gröain.

The Wailers kreegn verskel met Dodd oawer de seantn. Doarumme gungn ze wieter met geluudsman Lee "Scratch" Perry en zienen studioband The Upsetters. Disse samenwaarking doern nog gen joar, mer toch meant völle lue at in den tied t beste van The Wailers op enömn wör. Doarnoa kreegn Marley en Perry ook verskel oawer de rechtn van de opnames en gung oet mekaar, mer bleewn wal gode bekeandn van mekaar en waarken ook nog wal mangs saamn.

Tusken 1968 en 1972 nömn Bob en Rita, Peter Tosh en Bunny Wailer n antal oolde nommers vanniejs op bie JAD Records in Kingston en Londen um t geluud van The Wailers wat better verkoopbaar te maakn. Bunny veund at disse nommers nooit op n album oet ebracht mosn wordn, mer as demo's vuur plaatnmoatskoppiejn zoln deenn. 1968 gungn Bob en Rita hen kuiern bie leedskriewer Jimmy Norman in Niej-Jork. Den har de tekste skreewn vuur Kai Winding zien "Time is on My Side" (wat later oawernömn wör duur The Rolling Stones) en ook vuur Johnny Nash en Jimi Hendrix. Hier maakn Marley in drei daagn tied ne opname van 24 minuutn, woerin't te heurn is dat hei probeern t reggaegeluud wat mear op de Amerikaanse maarkt of te stemn. Marley woonn in Ridgmount Gardens in Bloomsbury, Londen in 1972.

In 1973 wör ear album "Catch a Fire" in de hele wearld good oontvöngn. Zien hit "I Shot the Serrif" wör zölfs heroetegiewn duur Eric Clapton. Hej wör onmeundig bekeand in zowat de hele wearld, mear vuural in Afrika.

Noa nen zet toern met ear drein, besleutn Bunny Livingston en Peter McIntosh vuur zikzelf te beginn. Det was t eande van The Wailers. Ook zee kreegn ne grote groep anhangers, mer ze haaldn t nooit bie Bob Marley's sukses. Den breuk internasjonaal as soloartiest duur met zin album Exodus.

Wietere leawn[bewark | bronkode bewarken]

In 1977 wör Bob op enömn in t zeeknhoes. Dr wör ne staarke vorm van kaanker in zienen grootn tei eveundn. Dat was vuurt ekömn oet n weundjen wat hei bie n voetbal har ekreegn. Hei wol zik n tei neet loatn ofsniedn, umdat zien geleuf dat neet tau leut. n Kaanker zeaidn toew oet noar ziene harsens, longn, leawer en ziene maage. Tiedns zienen lesten wearldtoer, toew at he in Amerika was, stortn he in toew at he n stuksken gung hardloopn. n Toer wör geliek of ebloazn.

Toew at he van Duutslaand noar hoes (Jamaika) vleug, wör he neet good. Ze beent toew elaand in Miami, Amerika, woer at he in n zeeknhoes is oawerleedn. Bob Marley is 36 joar oold ewördn.

Familie[bewark | bronkode bewarken]

Bob Marley hef n antal keender: drei met zinne vrouwe Rita, twei an enömnen van Rita's vurige verhooldings, en verskeadene aandere bie verskilnde vroale. De offisjele Bob Marley-webstea erkeant eelf wichter.

Verskeaidene aandere websteas neumt ook ne Imani Carole, geboorn op 22 mei 1963 bie Cheryl Murray, mear dee steet ook neet bie op de webstea.

Oetgoande verbeendege[bewark | bronkode bewarken]

Disse pagina is eskreewn in t Eanters