Afrika

Uut Wikipedia, de vrye encyklopedy
Afrika geografies
Satellietfoto van Afrika

Afrika is nao Azië t grootste kontinent ter wereld, in oppervlakte mar oek in bevolking. t Beslaot zo'n 30.244.050 vierkante kilometer (vasteland en eilanden samen), wat 20,3% van de totaole landoppervlakte van de eerde is. Der woenen meer n miljard minsen - oengeveer één zeuvende van de wereldbevolking.

Zwat heel Afrika beheurt tot de Darde Wereld. Partie minsen rekenen t hele kontinent hiertoe, are luui alleen de landen ten zujen van de Sahara, behalve Zuud-Afrika.

Naamsherkomst[bewark | bronkode bewarken]

De naam Africa was in de Oudheid eerst veurbehouwen an t gebied waor noen Tunesië leit. Laoter worde de hele kuststrook Africa eneumd en in de tied van de ontdekkingsreizen worde t hele kontinent hiermee an-eduud.

De naam Afrika zou Berberse of Fenisiese ofkomst wezen. In de oudheid woenden verschillende Noord-Afrikaanse stammen in grotten, t zogenaamde 'Afer'-volk. Volgens de meeste geschiedkundigen het disse bevolkingsgroep zien naam egeuven an t werelddeel. De meest aksepteerde theorie is dat de naam van t Berberse ifri (meervoud: ifran, "grotten") komt en verlatienst is naor afri. De term is in verschillende Berberse plaots- en stamnamen weer te vienen. n Are meugelikheid is dat de naam komt van t Fenisiese afar, wat stof betekent.

Staoten[bewark | bronkode bewarken]

Afrika bestaot uut 54 onofhankelike staoten en n paor niet-onofhankelike gebiejen.

Onofhankelike landen
AlgarijeAngolaBeninBotswanaBurkina FasoBurundiSentraol-Afrikaanse RippubliekKomoren1Kongo-BrazzavilleKongo-KinsjasaDjiboutiEgypte*Equatoriaol-GuineaEritreaEthiopiëEswatiniGabonGambiaGhanaGuineeGuinee-BissauIvoorkustKaapverdië1KameroenKeniaLesothoLiberiëLibiëMadagaskar1MalawiMaliMarokkoMauritaniëMaurisius1MozambiekNamibiëNigerNigeriaOegandaRwandaSão Tomé en Príncipe1SenegalSeychellen1Sierra LeoneSoedanSomaliëTanzaniaTogoTsjaadTunesiëZambiaZimbabweZuud-AfrikaZuudsoedan
Niet-onofhankelike gebiejen
Bassas da India1CeutaEuropa1Glorieuzen1Juan de Nova1Kanariese Eilanden1 - Madeira1Mayotte1MelillaRéunion1Tromelin1
Gebiejen mit betwiste staotus / bezette gebiejen
SomalilandWestelike Sahara

1 Hoewel disse eilanden niet op de Afrikaanse kontinentaole plaot liggen, worren ze gewoonlik toch tot Afrika erekend.

Opmarking:

Dit artikel is eskreaven in et westveluwske dialekt van Putten, in de Algemene Nedersaksiese Schriefwieze.