Voetbal

Oet Wikipedie, de vraaie enzyklopedie
Gao naor: navigasie, zeuk
n Anvaller (in t rood) is duur de verdediging (in t wit) ebrökn en stot n bal noar t doel. n Doelman steet kloar um um te stopn
Vrouwleu an t voetbaln
Voetbalveeld

Voetbal is n balsport den at met de veute en t heufd spölt wörd. n Manskap besteet oet 11 spöllers op t veeld, woervan dr ene in t eegne doel steet. Disn spöller het nen doelman en is n ennigsten den n bal met de haande an mag raakn. Wieter beent dr nog wisselspöllers, dee at in köant valn as n spöller in t veeld wat krig, of as n trainer van taktiek wil veraandern.

n Wedstried wörd in gooe baann eleaidt duur nen scheidsrechter en zinne greansrechters, dee at dr vuur zorget dèt n wedstried earlke en good verlöp.

De partieje met de meeste peuntn an t eande van de wedstried hef t spel ewunn. Bie n geliek antal peuntn vuur beaide partiejn wörd esprökn van geliekspel. As dit vuurkeump kan dr ekeuzn wördn vuur meer spölminuutn, of ne strafskupperiege.

Doel van t spel[bewark | bronkode bewarken]

t Doel van t spel is um n bal in t doel van de teegnspöllers te kriegn. Hierbie magnt de spöllers gebroek maakn van t hele lichaam, behalve de haande. Nen oetzeundering hierop is n doelman, den ook met de haande mag woarkn.

n Offisjeeln wedstried doert 2x 45 minuutn, met ne pauze tussenduur, en mangs nog wat minuutn dr bie um de verlöarn tied an blessures op te vuln.

Veeld[bewark | bronkode bewarken]

t Veeld is n rechtheukig grösveeld van 90x120 meter, woer an beaide korte kaantn n doel steet. Um n raand van t veeld is in n rechthook ne liene trökn: de ziedliene. Oawer t midln van t veeld löp oawer de korte kaante n midlnliene, den t veeld in 2 deeln opdeelt. In t midln van disse liene löp nen kreenk. Um de beaide doeln hen löp ook ne liene in n rechthook, wat t 16-meter gebeed het. Doar binn in löp nog wier nen rechthook in t verlengde van t doel.

Manskap[bewark | bronkode bewarken]

n Manskap of ploog besteet oet 4 soortn spöllers: n doelman, verdedigers, midlveelders en anvallers. Dee hebt allemoal öar eegnen taak in t spel. n Doelman mut n bal oet zin doel hooldn as n anvaller van de teegnpartieje prebeert den dr in te skeetn. De verdedigers munn zorgn dèt dee teegnanvallers doar de kaans neet vuur kriegnt, en n bal noar vuurtn hen trean zogaaw as ze den van de teegnpartieje of hebt enömn. De midlveelders köant zik verdedigend en anvalnd gedreagn. Ze köant dus n teegnanval helpn te vuurkomn, en n bal dan meteen duurspöln noar de anvallers (ook wal spitsn neumd). n Anvaller hef as taak t maakn van doelpeuntn. n Trainer kan dr vuur kiezn um mear verdedigers, of juust mear anvallers op te steln. Dit kan te maakn hebn met t verloop van n wedstried. As de eegne ploog völle van de aandern te verdoern krig, kan t verstaandig wean um nen anvaller vuur nen verdediger te wisseln, um de teegnpartieje mear wierstaand te beedn en de kaanse op n teegndoelpeunt te verkleainn. Mear an de aandere kaante kan t juust verstaandig wean um nen verdediger umme te wisseln vuur nen midlveelder of anvaller, um zo mear kaans te maakn op n doelpeunt.

Nedersaksische voetbalplogen[bewark | bronkode bewarken]

In 't Saksisch sproakgebeed van Nederland vin ie de volgende betoald-voetbalplogen: FC Grönnen, SC Veendam, FC Emmen, FC Zwolle, Go Ahead Eagles (oet Deaventer), FC Tweante, Heracles Almelo, AGOVV Apeldoorne en De Graafschap (oet Deutekem). Vitesse oet Arnem lig der krek teagenan. Doarvan is FC Tweante de leste joaren de succesvolste, de ploog is in 2010 landskampioen wonnen.

Neersassies[bewark | bronkode bewarken]

  • Nedersaksies in Nederlaand: voe(t)bal
  • Platduuts: vootbal (Platduutse schriefwieze Football)