Babyboomers

Babyboomers bint een demografische cohort, veurofgaond an Ginneratie X, van mèensen die geboren bint in de periode van 't ende van de Tweede Wereldoorlog töt begun jaoren zestig. In West-Europa en Noord-Amerika wördt dizze ginneratie vake associeerd mit materiële veurrechten: der bint der ja nogal wat opegruuid in stark verbeterde welvaort, vergeleken mit de veuroorlogse jaoren en de oorlogsjaoren. Dizze verbetering kwaamp diels deur uutgebreide nao-oorlogse aoverheidssteun mit huusvesting en onderwies.

As groep waren de babyboomers rieker, actiever en lichamelijk gezonder as ienige ginneratie die dervéur kwaamp. Ok waren ze de eersten die opgruuiden mit 't idee det de wereld mit de tied beter zol wörden. Dit was ok de ginneratie die meer as ooit verdiende mit wark, en zo de vruchten kun plokken van aovervloedig voedsel, kleding, oldedagsveurzienings en zölfs midlifecrisis-producten. De ginneratie van de babyboomers hef ok kritiek ekregen veur heur toe-eneumen consumentisme, wat deur goenend as butensporig is eziene.

Dit stok is eschreven in 't Zuudwest-Drèents.