Stichting Het Drentse Boek

Uut Wikipedia, de vrye encyklopedy
Nå navigaty springen Nå söken springen

Stichting Het Drentse Boek of körtweg Het Drentse Boek is een Drèentse uutgeveri'je die waark in 't Drèents en waark oaver Drèentse onderwarpen in 't Nederlaans uutgef. De stichting, op-ericht in 1980, had töt meert 2008 heur stee op Zuudwolde.

In meert 2007 is Het Drentse Boek mit 't centrum veur taol en letterkunde Stichting Drentse Taol en 't maondblad in de Drèentse taol Oeze Volk samen egaon in 't Huus van de Taol. Dizze organisaotie hef in meert van 't jaor daorop de deuren lös edaone in Beilen.

't Drèentse diel van de Nedersaksische schrieveri'je hef de leste decennia mit vörm ekregen, en is op de kaorte zet, deur Het Drentse Boek. Zo hebt ze 't oaverzichtswark Drèentse schrieverij uutegèven (1993) en tien jaor daornao Scheupers van de taol: Bloemlezing van de Drèentse Schrieverij 1837-2003. Drèentstalige klassiekers zoas Lucas Jonker zien Harm Boerenlèven an de Riest (1988, oorspr. 1939) bint deur Het Drentse Boek opni'j uutegèven, en d'r verschient studies oaver en verzamelbundels van 't wark van belangrieke Drèents(talig)e schrievers, zoas Hans Heyting en Jan Zantinge.

De uutgeveri'je is butendien een uutdrager van de deur de Provinciaole Staoten van Drenthe autoriseerde Drèentse spelling.

Uutgaonde verwiezing[bewark | bronkode bewarken]

Nuvola apps ksig.png Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.