Harderwiek

Oet Wikipedie, de vraaie enzyklopedie

Gemeente Harderwiek


(Vlagge van Harderwiek)		(Wapen van Harderwiek)

Previnsie

Gelderlaand

Heufplaose

Harderwiek

Oppervlak
- Laand
- Waoter

48,27 km²
38,46 km²
9,81 km²

Antal inwoeners
Inwoeners per km²

42.396 (1 febrewaori 2008)
1078 inw./km²

Geografische coördinaoten

52°21' NB 5°37' OL

Belangrieke verkeersaoders

A28, N302

Netnummer

0341

Poscodes

3840-3849

Officiële webstee

www.harderwijk.nl

Harderwiek ( Nedersaksische uutspraak ^?/i, Nederlans: Harderwijk) is een stad en gemeente in de Nederlanse previnsie Gelderland.

Harderwiek is een Hanzestad en leit an de rand van de Veluwe en an 't Wolderwied, ongeveer op de helft tussen Zwolle en Amesfoort. 't Is 't regionale verzörgingscentrum veur de Noordwest-Veluwe en Zeewolde.

Harderwiek had op 1 febrewaori 2008 (bron: CBS) ongeveer 43.419 inwoeners en een oppervlak van 48,27 km², waorvan 9,81 km² waoter. 't Totale antal woeningen in Harderwiek was op 1 jannewaori 2005 15.800. De stad Harderwiek zelf het ongeveer 37.500 inwoeners, 't overige deel woent in 't butengebied, waorvan ongeveer 3.000 in 't darp Hierden.

[bewark] Geschiedenis

Harderwiek kreeg in 1231 stadsrechen van Otto II van Gelre en nam een belangrieke plaots in. In 1503 was der een grote stadsbrand in Harderwiek. In die periode kreeg Harderwiek ok de Gelderse Munt en ok wier de baosis eleid veur de Universiteit van Harderwiek (1648-1811). Harderwiek het zien eigen stark ontwikkeld as handels- en vestingstad, en mit de komst van de universiteit, zelfs as universiteitsstad. Daornao kwam 't verval: Harderwiek verloor, mit heel Oost-Nederland zeutjes an van 't westen en de stad wier een vissersplaots. In 1811 wier deur 't Franse bewiend de universiteit op-eheven.

Mit 't ofsluten van de Zujerzee en de daorop volgende anleging van de Flevopolders in 1932, verloor 't stadjen ok zien functie as vissersplaots. Waor noen de boulevard is, leien vrogger de botters an bie de Vischpoort um de vis te verkopen op de Vischmarkt. 't Is nog altied meugelijk um bottertochten op een van de meren te maken. Nao 1932 nam de visserieje as bron van bestaon stark of. Handel, industrie en toerisme wieren toe veul belangrieker.

De historische binnenstad wier in 1969 tot bescharmd stadsgezicht uut-eroepen. In diezelfde tied hen ze 't Dolfinarium Harderwiek neer-ezet, wat jaorlijks veul bezeukers uut heel Nederland trekt.