Veluwe
Oet Wikipedie, de vraaie enzyklopedie
De Veluwe is een bosrieke regio in de Nederlaonse previnsie Gelderlaond en een veurmaolig kwertier van 't hertogdom Gelre. 't Gebied grens ongeveer an de plekken Hattem - Apeldoorne - Dieren - Arnem - Wageningen - Ede - Barneveld en Harderwiek.
[bewark] Netuur
De Veluwe stiet bekend um zien bossen en 't grootste netuurgebied van Noordwest-Europa, en is zwat 100.000 bunders groot. In de bossen woenen veural harten, knienen en aondere wildsoorten. Bie Armelo giet al iewig lange 't verhaal van de witte wieven in de ronte (dat overigens ok in Twente veurkump). Naos de bossen stiet de Veluwe ok bekend um der zaondverstuvingen, zoas bie Kootwiek en Hulshors. De raove is hier mit succes opniej in-evoerd, der komen noe tientallen exemplaren veur.
[bewark] Cultuur
In Apeldoorne stiet 't Peleis 't Loo, waor Wilhelmina een tied lange ewoend hef.
Wat godsdiens angiet is der een tweedeling zichbaor tussen, an de ene kante, de noordelijke en westelijke helfte van de Veluwe, die een overwegend riffermatorisch kerakter hef, en an de aondere kante, de oostelijke en zudelijke helfte van de Veluwe, die meestentieds emaotigd of sekelier is. In 't noorden van 't oostelijke deel van de Veluwe bint ok een paor kattelieke gemeentes (of katteliek samen mit protestans kump ok wel veur) een veurbeeld hiervan is Vaossen (tegensworig meer protestans). 't Noorden en westen van de Veluwe maak deel uut van de Biebelgördel die zich uutstrekt van 't noorden van Overiessel tot in Zeelaand.
[bewark] Dialect
Op de Veluwe wordt der naos 't Nederlaons ok een Nedersaksische variant esproken, 't Veluws, 't West-Veluws en 't Oost-Veluws um precies te wèèn, zwat 48,6% kan 't praoten, van ongeveer 37,0% is 't de moerstaal, 65,3% kan 't lezen en 34,4% lees 't vake.
|
|
 |
|---|---|
| Heufgebieden: Achterhook | Revierenland | Veluwe | |
| Kleindere gebieden: Betuwe · Bommelerweerd · Gelderse Vallei · Iesselvallei · Laand van Maas en Waal · Liemers · Tielerweerd · Riek van Nimwaege | |
 |
