Nederlaand
Oet Wikipedie, de vraaie enzyklopedie
| Nederland | |||
|
|||
|
|
|||
| Baosisgegevens | |||
| Officiële laanstaal: | Nederlaans[1] | ||
| Heufstad: | Amsterdam[2] | ||
| Regeringsvorm: | Constitusionele monarchie | ||
| Religie: | 30% Katteliek 21% Protestans 5,8% Moslim 0,6% Hindoe 1,6% Overige religies 41% Neet-geleuvig (2004, bron: CBS) |
||
| Oppervlakte: | 41.528 km² (18,41%waoter) | ||
| Inwoeners: | 16.335.998 (1 juli 2006) (482 / km²) | ||
| Overige | |||
| Volkslied: | Wilhelmus | ||
| Munteenheid: | euro (EUR of €) |
||
| UTC: | +1 | ||
| Nasionale feesdag: | 30 april (Koneginnedag), 5 mei (Bevriejingsdag) | ||
| Web | Code | Til. | .nl | NLD | 31 | ||
Nederlaand is een West-Europees laand, dat an de Noordzee lig en hef een totale kusliende van 451 kilemeter. De buurlanen van Nederlaand bin Duutslaand en België. De heufstad van 't laand is Amsterdam, de regeringszetel is Den Haag. Aandere belangrieke stejen bin: Rotterdam, mit één van de grootste havens van de wereld, Utrech, 't verkeersknooppunt van 't laand, Grunningen (veural veur 't noorden), en Eindhoven, in de previnsie Noord-Braobant is de vuufde stad van 't laand.
Nederlaand, 't Keribische eilaand Aruba en de Nederlaanse Antillen vormen samen 't Koninkriek der Nederlanen. De verhouwingen bin bepaold in 't Stetuut veur 't Koninkriek der Nederlanen van 1954. Nederlaand hef in totaal 12 previnsies en 443 gemeentes.
De twee officiële talen van Nederlaand bin 't Nederlaans en 't Fries. 't Nedersaksisch en 't Limburgs hemmen as streektaal een legere staotus as 't Fries, zoas vermeld steet in 't stetuut veur de minderheidstalen. De twee aandere neet-Germaanse streektalen bin 't Jiddisch en Romani. Aandere talen dee vake espreuken wonnen bin van allochtone ofkoms; namelijk: 't Turks, Berbers, Arabisch (Marokkaans dialek), Papiaments, Sranantongo en Chinees.
't Nederlaanse staotsheuf is koneginne Beatrix. De premier is noen Jan Peter Balkenende.
Onderwarpen |
[bewark] Geschiedenis
't Koninkriek der Nederlanen kreeg de staotus dee 't noen hef, as constitutionele monarchie, in 1815 onder koning Willem I van Nederlaand.
't Grondgebied van Nederlaand, België en Luxemburg wönnen officieel an 't Koninkriek toe-ewezen, allewel Luxemburg as deel van de tomaolige Duutse Bond mit Nederlaand verenig wönnen deur middel van een personele unie.
In 1830 wönnen België onofhankelijk van Nederlaand en wönnen een zelfstandig koninkriek. De "Belgische" previnsies Limburg en Luxemburg wönnen bie disse splitsing op-edeeld.
Luxemburg wönnen laoter (in 1890) een zelfstandig groothertogdom, to mit de dood van koning Willem III de Ottoonse takke van de Nassaus uutstörf in de mannelijke linie. De Nederlaanse krone gung over op de vrouwelijke arfgenaam, koneginne Wilhelmina, mar Luxemburg gung over op de Walramse takke van 't huus Nassau, umdat ze daor de Salische opvolgingswet (allinnig mannen op de trone) hannen.
In de Eerste Wereldoorlog bleef Nederlaand neutraal, mar in de Tweede Wereldoorlog leed 't onder vuuf jaor Duutse bezetting. Mit de Duutse anvalle op Nederlaand wönnen Rotterdam ebomberdeerd, waobie 't centrum zwat helemaole verrineweerd wönnen. Ruum 100.000 Nederlaanse joden wönnen deur 't regime vermeurd.
Nao de oorlog begun, mit behulp van 't Marshallplan uut de Amerika, de heropbouwing, dee tot grote welvaort leien en waodeur Nederlaand een medern, eïndustrialiseerd laand wönnen. Tegeliekertied dung Nederlaand staorigan ofstaand van zien posisie as keloniale mach.
In 1951 was Nederlaand medeoprichter van de Europese Gemeenschap veur Kolen en Staol, dee uuteindelijk uutgreuien tot de Europese Unie.
In 1953 wönnen Nederlaand etröffen deur een waotersnoodramp. As reactie hierop wönnen de Deltawarken (voltooid in 1986) en de Maeslantkering (voltooid in 1997) ebouwd.
In 2002 vervung Nederlaand de eigen munt, de Nederlaanse gullen, samen mit de meeste aandere EU-lanen deur de Europese munt, de euro.
[bewark] Beschrieving van de vlagge
De Nederlaanse vlagge besteet uut dree horizontale baonen van gelieke heugte in de kleuren rood, wit en blauw. De vlagge stamp uut 1579, to de onofhankelijkheid van Nederlaand uut-ereupen en officieel goed-ekeurd wönnen in 1796. In 1937 wönnen 't bevestig as nasionaal embleem deur koneginne Juliana.
't Wit en blauw bin de livreikleuren van 't Franse vorsendom Orange, waor 't koningshuus van ofstamp. 't Rood was oorspronkelijk oranje, naor de naam van 't vorsendom, mar wönnen in de loop van de 17e eeuw vervungen deur vermiljoenrood, dat bie zeeslagen makkelijker te herkennen was. Op feesdagen dee te maken hemmen mit 't koningshuus of bie diplometieke reizen naor 't butenlaand wonnen oek wel een oranje wimpel boven de vlagge ehungen. Veerder wonnen 't oranje gebruuk as nasionale herkenningskleur.
Over de ofmetingen van de vlagge bin gien veurschriffen. In 't algemeen mut de lengte in verhouwing wezen mit de breedte (3 tot 2). Op de Nederlaanse vlagge beheurt (behalven as der toestemming veur is) gien enkele versiering of aandere toevoeging an-ebröch te wonnen. Oek 't gebruuk van een vlagge zonder versiering beheurt nao-eleef te wonnen. (Een vlaggedook veur versiering mag wel - bieveurbeeld in de vorm van draperieën -)
[bewark] Kaorte
Op deze afbeelding
[bewark] Zie oek
[bewark] Rifferenties
- ↑ Naos 't Nederlaans is in Frieslaand 't Fries oek een bestuurstaal.
- ↑ De regering is evestig in Den Haag.
[bewark] Uutgaonde verwiezingen
 |
Meer ofbeeldingen dee bie dit onderwarp heuren ku-j vienen in de kattegerie Nederlaand van Wikimedia Commons. |
