Nunspeet

Oet Wikipedie, de vraaie enzyklopedie

Gemeente Nunspeet


(Vlagge van Nunspeet)		(Wapen van Nunspeet)

Previnsie

Gelderlaand

Heufplaose

Nunspeet

Oppervlak
- Laand
- Waoter

129,49 km²
128,73 km²
0,76 km²

Antal inwoeners
Inwoeners per km²

26.639 (31 mei 2009)
206 inw./km²

Geografische coördinaoten

52°20' NB 5°47' OL

Belangrieke verkeersaoders

A28, N310

Netnummer

0341, 0577

Poscodes

8070-72, 8075-77

Officiële webstee

www.nunspeet.nl

Nunspeet is een plaose en een gemeente in de Nederlaanse previnsie Gelderlaand. De gemeente had op 31 mei 2009 zwat 26.639 inwoeners (bron: CBS), en hef een laandoppervlakte van 129,49 km² (waorvan 0,76 km² waoter). 't Darp Nunspeet zelf had op 1 jannewaori 2008 zo'n 19.439 inwoeners (bron: gemeente Nunspeet). In 't netuurgebied he-j vanof de uutkiektoorne een prachtig uutzichte.

Onderwarpen

1 Uutspraak
2 Overige kernen
3 Geschiedenisse
- 3.1 't Geheime Darp
- 3.2 Heemkundige Vereniging Nuwenspete
4 Recreasie en toerisme
- 4.1 Eibertjesdag
5 Buurgemeentes
6 Zie oek
7 Uutgaonde verwiezingen

[bewark] Uutspraak

Nedersaksische uutspraak ^?/i
Nederlaanse uutspraak ^?/i

[bewark] Overige kernen

Nunspeet, Elspeet, Hulshors, Grote Klunje, Kleine Klunje, Zwarte Goor, Vierhouten, Oosteinde, Westeinde en Zeum.

[bewark] Geschiedenisse

Eertieds dochen ze dat de naam Nunspeet van 't woord Nuwenspete of kwam, mar daor bin ze noen neet helemaole wisse van. Nunspeet betekent volgens sommigen: "nieje plekke dee klaor-emaak is um op te bouwen", 't is daormee de tegenhanger van de ouwe naam veur 't darp Elspeet, dat in de gemeente Nunspeet lig. Elspeet betekent namelijk "ouwe plekke dee klaor-emaak is um op te bouwen".

[bewark] 't Geheime Darp

In de bossen van Vierhouten, in 't zujen van Nunspeet, he-j in de bos an de Pas-opweg 't Geheime Darp (of 't Verscholen Darp) zitten. Een onderdukersplekke uut de Tweede Wereldoorlog.

[bewark] Heemkundige Vereniging Nuwenspete

De naam Nuwenspete (waorvan edoch wönnen dat 't de eerdere naam van 't darp was) leef voort in de plaoselijke verenige "Heemkundige Vereniging Nuwenspete". De doelstellingen van de Heemkundige Vereniging Nuwenspete bin as volg:

't Bevorderen van kennis en belangstelling veur de verschillende kaanten van heemkunde en geschiedenisse: 't hejen en vlejen van laandschap, bojem, plaanten, dieren, bevolking, taal, volkskunde, de kleraozie van vrogger, bouwkuns en de cultuur in 't algemeen. Daorbie hef de verenigige as doel 't instaandhouwen en bescharmen van de schoonheid en 't kerakter van de bovenstaonde dingen. Disse doelstellingen gelden veural veur 't gebied van de Gemeente Nunspeet, dat bin de darpen Elspeet, Hulshors, Nunspeet en Vierhouten.

Ze preberen dit doel ondermeer te bereiken deur:

onderzeuk en studie van vraagstukken dee mit de doelstelling van doon hemmen;
't uutbrengen van een tiedschrif en aandere eschreven infermasie;
't anlegen van verzamelingen;
samen te warken mit soortgelieke orgenisasies;
't oprichen of medeoprichen van rechspersonen mit zo'n soort doelstelling;
kontak te legen mit officiële instanties, besturende orgenisasies en aander volk;
't volk infermeren en advies geven;
alle overige wettelijke middels

[bewark] Recreasie en toerisme

Een belangrieke bron van inkomsen veur Nunspeet is recreasie en toerisme. De gemeente Nunspeet is een mooie plekke um vekaansie te houwen, umda-j der bos, waoter, heed en zaandverstuvingen hemmen. Der bin allerhaande campings en der is een hotelletjen.

Bie 't stesjon he-j de Oudheidkamer van Nunspeet zitten, mit allerhaande spul van vrogger. In 't darp zit 't Veluws Diorama, een historisch museum. Op 21 jannewaori 2009 sleug der braand uut.

De koornmeule De Duve ku-j oek bekieken.

[bewark] Eibertjesdag

Eibertjesdag is een jaorlijks weerkerende braderie. Disse jaormark is ontstaon deur Eibertjen. Ze leven umstreeks 1850 in Vierhouten. Ze leup elke weke naor Nunspeet um daor eiers te verkopen. Je kunnen disse weg nog altied volgen langes 't zogenaamde Eibertjespad, deur de bossen tussen Vierhouten en Nunspeet. Eibertjesdag wönnen ehuilen op de vriedag nao Hemelvaortsdag.