Evertaske

Oet Wikipedie, de vraaie enzyklopedie
Gao naor: navigasie, zeuk
Evertaske

De evertaske of eveltaske is een dier in de onderorde Sauria (veroolderd: Lacertilia) en beheurt tot de orde schubreptielen, die ok de slangen omvat. Evertasken bin reptielen, en inkelde bekendere femilies bin de kameleons, leguanen, varanen, anolissen, gekko's, agamen, skinken en de in Europa veul veurkommende echte evertasken. D'r bin in totaol omdebi'j 36 evertaskefemilies.

D'r bin ruum 3.000 soorten evertasken, die meerstal etzelde bouwplan volgen: een lange stat, vier beugen poten (waordeur de boek over de grond sleept) en een kenmarkende schedel: de vorm en de plaetsing van de neusgatten, geheurorganen en ogen is onmiskenber en makkelik te onderscheiden van slangen, krokodilachtigen en schildpadden. Mit brogevertasken leit et wat muuiliker.

Bi'jtieden wodden de wurmevertasken tot de onderorde evertasken rekend, mar deur heur totaol aandere fysiologie wodden ze vaeke indield as een dadde onderorde van de Squamata.

Nedersaksisch[bewark | bronkode bewarken]