Eekmulder

Uut Wikipedia, de vrye encyklopedy
De eekmulder

De eekmulder (Melolontha melolontha) is een 2,5 tot 4 centimeter grote kever dee in de maond mei een gedaonteveraandering ondergeet en dan een paor weken van jonge boomblaodjes eet en rondvlieg, op zeuk naor een kammeraod.

Eekmulders koemen veur op zaandgronden. Vrogger kwammen ze algemeen veur, noen bin ze deur bestriejing arg zeldzaam ewönnen. De larven leven in de grond en knagen an de wortels van kruudachtige plaanten, zoas gres, mar oek an de wortels van bomen. In 't gres, mar oek in de greuntetune, kunnen ze veul schao anrichen.

De larve van een eekmulder neumen ze een engerling. De larve hef een brune kop en 't lief is geelwit van kleur. An de ziedkaanten zitten de naojemopeningen. De larven blieven twee tot dree jaor in de grond veurdat ze der eigen verpoppen. In de wientermaonden krupen de larven dieper de grond in.

Netuurlijke viejanen van de engerling bin mollen en voegels zoas mezen, kreien en spraonen.

Biologische bestriejing is meugelijk mit parresitaire aoltjes. De mannetjes bin makkelijk te herkennen deurdat de lemellen an 't einde van de veulsprieten groter bin as de veulsprieten van 't wiefjen, zwat twee millimeter tegenover één millimeter.

Spelletjes[bewark | bronkode bewarken]

In 't Nedersaksische taalgebied en meschien zelfs wè derbuten wönnen eekmulders vrogger deur kienders as spelletjen op-evungen, in een (lucevar)deusjen of potjen edaon en soms oek nog deur mekaar eschud. Hierdeur begun e stark te brommen, vandaor dat e in Twente en de Achterhoek oek wè bromworm eneumd wonnen.

Op de Veluwe dungen kienders oek wè een draodjen an de poot van de eekmulder en leuten 't beestjen dan vliegen.

Trivia[bewark | bronkode bewarken]

Nedersaksisch[bewark | bronkode bewarken]

Fotogallerieje[bewark | bronkode bewarken]

Wikimedia Commons Commons: Eekmulder - plaatjes, filmkes en/of gelüüdsbestanden.
Disse pagina is eschreven in 't Nunspeets