Lunteren

Uut Wikipedia, de vrye encyklopedy
(döärstüürd vanaf "Luntere")
De ouwe kaark van Lunteren

Lunteren is n daarp in de gemeente Ee, in de Nederlaandse provinsie Gelderlaand. t Daarp het rond de 12.705 inwoners (2011).

Lunteren ligt tussen de plaotsen Ee in t zujen en Barreveld in t noorden. In t oosten van Lunteren begint de bosrieke Veluwe mit de stuwwal Meulunteren-Waogeningen. Hier is ok de Goudsbaarg, waor t geografiese middelpunt van Nederlaand ligt. In t westen en noorden van Lunteren ligt de Gelderse Vallei, waorin de Lunterse Beek n ofwaoteringsfunksie het.

De buurtschappen Meulunteren, De Valk, Overwoud en Nederwoud liggen in t butengebied van Lunteren.

Lunteren is in de zoemermaonden n toeristiese trekpleister, an de raanden van de bossen staon verschillende kämpings. n Bekende toeristiese attraksie is de Oud-Lunterse Dag, die as onderdeel van de Eese Heedweek jaorliks an t eind van augustus plaotsviendt. Op disse dag, gaot Lunteren zo'n 100 jaor terug in de tied, en wisselen veul Lunteraonen der daogelikse goed in veur de meer tradisionele boeregrei van de West-Veluwe.

Uutspraok[bewark | bronkode bewarken]

Uutspraok in Lunters: [lœntərə] - ongeveer Löntere

Dit artikel is eskreaven in et westveluwske dialekt van Lunteren, in de Algemene Nedersaksiese Schriefwieze.