Woapen van Loster

Uut Wikipedia, de vrye encyklopedy
t Woapen van Loster.

t Woapen van Loster is t woapen van de Oaweriesselse gemeante Loster. t Woapen wörn deur n Köninklik Besloet öp 1 noveamber 1898 an de gemeante geawen.

Blazoenerige[bewark | bronkode bewarken]

De ömskriewige van t woapen is (in t Neerlaands):

"Gedeeld : I in azuur een kruis van goud, vergezeld in het eerste kwartier van een ten halve lijve uit den rechter-kruisarm opkomenden omgewenden bisschop, met aangezicht en handen van natuurlijke kleur, mijter en gewaad van goud en zilver en een kromstaf van goud, II in keel drie schietspoelen van goud, geplaatst 2 en 1".

In de heraldiek mö'j leenks en rechts as van achter t skild bekieken. Van veurne is leenks veur de kieker dus rechts, en rechts leenks. Met "omgewend" bedoolt zee de't stuk heraldiesk noar leenks kiekt.

De heraldieske kleurn bint gold (geel), azuur (blaauw), zilver (wit), en keel (rood).

Skiednisse[bewark | bronkode bewarken]

De baauw van de Stoatenzoale van t verleantiedse gouvernementsgebaauw van de Proveensie Oaweriessel in Zwol was veur Loster en ok völle oare Oaweriesselse gemeanten de reden öm n gemeantewoapen an te vroagen. In dee zoale is der n veanster met alle gemeantewoapens van de proveensie.

In 1811 skeed Loster zich as gemeante of van t richtersambt van Oldnzel. n Olden baand met Oldnzel kö'j nög immer zeen öp de rechterhelfte van t skild (leenks veur de kieker), woarin t woapen van Oldnzel öp-nömn is (t zölfde kö'j zeen in vb. t woapen van Weersel). De skietspeule bint ne herinnerige an de wichtigste bronne van Losters bestoan doe.

Glieksoartige woapens[bewark | bronkode bewarken]


Dit artikel is eskreaven in et twentske dialekt van Eanske, in de Algemene Nedersaksiese Schriefwieze.