Woapen van Hoksebarge
Et Woapen van Hoksebarge is et woapen van de Oaveriesselse gemeente Hoksebarge. Et woapen wörden deur een Könninklik Besloet op 5 januwoari 1948 an de gemeente geven.
Blazoenering[bewark | bronkode bewarken]
De umskrieving van et woapen is (in et Neerlaands):
"In keel een omgekeerd pentagram van goud. Het schild gedekt met een gouden kroon van drie bladeren en twee paarlen."[1]
De heraldische kleurn bint keel (rood) en gold (geel). Met de krone is et ok nog zilver (wit) en sinopel (greun).
Geskiedenisse[bewark | bronkode bewarken]
Op 14 november 1898 gavven de Hoge Raad van Adel een woapen an de gemeente met as umskrieving:
"In keel een omgekeerde vijfpuntige ster van goud."[2]
Op 5 januwoari 1948 wör et woapen deur een Keuninklik Besloet wiezigd: et skild wör met ne gravenkrone dekt en de steare wör een umkeard pentagram. Et pentagram zol verwiezen kunnen noar de marken Hoksebarge-Honesk dee roond 1800 tehope gungen in ene marke met doarumhen de marken Buurse, Langel, Brammel, Bokel, en Holthuuzn-Stepel-Epnzoalder, dee doe ook bie mekaander gungen.
Et Woapen kan older wean as wanneer et de gemeente officieel kregen hef. Zo bint oldere ofbeeldingen bekeand van de twee klokken van de Pancratiuskaarke, dee in 1737 maakt wör en in 1907 vervangen wör.[3] De steare was doe een pentagram met roonde peunten.[4] Op een old aarf in Langel wör nen zoadskeppel met een eekmark vönden. Op 'n skeppel steet et joar 1788 met doarin ne viefpeuntige steare.[5] In de Stoatenzale van et veurmoalige gouvernementsgebauw van de Proveencie Oaveriessel in Zwolle is et woapen van Hoksebarge weergeaven as een zilveren skeeld met ne blaauwe steare.
Ofbeeldingen[bewark | bronkode bewarken]
Et Woapen van 1737 zo as dat op de klokke van de Pancratiuskarke vönden is.
Et woapen van 1898. De viefpeuntige steale is helemoals inkleurd.
De steare van et woapen op et gedenkteken in Hoksebarge.
Referenties[bewark | bronkode bewarken]
- ↑ Wapen: gemeente Haaksbergen (1948). Hoge Raad van Adel. Bezocht: 21 juni 2016.
- ↑ Wapen: Gemeente Haaksbergen (1898). Hoge Raad van Adel. Bezocht: 21 juni 2016.
- ↑ Geschiedenis van het kerkgebouw öp pvhaaksbergen.nl. Bezocht: 21 juni 2016.
- ↑ De klokken van de St. Pancratiuskerk te Haaksbergen öp historischekringhaaksbergen.nl. Bezocht: 21 juni 2016.
- ↑ De ouderdom van het Wapen van Haaksbergen öp historischekringhaaksbergen.nl. Bezocht: 21 juni 2016.
| Gemeantewöapen in de proveensie Oaweriessel |
|---|
|
Almelo · Boorn · Dalsen · Daeventer · Deenkellaand · Eanske · Hoksebarge · Hardenbarg · Heldern · Hengel · Hof van Tweante · Kampen · Loster · Oldnzel · Olst-Wieje · Ommen · Raolte · Riesn-Hooltn · Stappest · Stienwiekerlaand · Tubbige · Tweanteraand · Wierdn · Zwärtewäterlaand · Zwolle |
|
Dit artikel is eskreaven in et twentske dialekt van Eanske, in de Algemene Nedersaksiese Schriefwieze. |