Weensum

Uut Wikipedia, de vrye encyklopedy
(deurestuurd vanaof "Windesheim")
Naar navigatie springen Naar zoeken springen
Disambig-dark.svg Andere betiekenissen van de name Weensum of Windesheim viej op Windesheim (deurverwiespagina)
De PKN-karke in Weensum, vrogger 't brouwhuus van 't klooster van de Congregatie van Weensum

Weensum (Nederlaands: Windesheim) is een dörp in de gemiente Zwolle in de Nederlaandse pervincie Oaveriessel. 't Lig ten zuden van Zwolle, een endtien ten oosten van de Iessel. Op Weensum woont zo'n 800 mèensen. Net buten 't dörp stiet de Weensumer meule an de N337.

Weensum lig op een revierduun die evörmd is in 't Preboreaol, een tiedvak binnen 't Holoceen. De oldste speuren van bewoning stamt uut de jonge stientied.

Töt 1944 stund in 't dörp 't Huus te Weensum. Een geallieerde bom hef dit Huus verwoest.

Van 1866 töt 1936 had Weensum een treinstesjon an de spoorliende Dèventer - Zwolle.

De Congregatie van Weensum[bewark | bronkode bewarken]

In de late Middelieuwen stund in Weensum een klooster. Van hieruut is de Congregatie van Weensum ontstaon, de kloostergemienschop van Augustiener koorheren. 't In 1387 in-ewijde klooster was toonangevend in de religieuze hervörmingsbeweging van de Mederne devotie, naor de ideeën van Geert Grote.

't Klooster hef waorschienlijk ten zuden van de dörpsstraote elegen. Tiedens de Riffermaotie en de opstaand tègen Spanje wördden 't deur de Oranjegezinde watergeuzen verrinneweerd. Vandage viej d'r nog twee kelders en de brouweri'je van 't kloostercomplex. Dizze brouweri'je wördden in 1634 in gebruuk eneumen as Nederduuts Hervörmde Karke.

Nuvola apps ksig.png Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.