Twentse Jazzerieje

Uut Wikipedia, de vrye encyklopedy
Nå navigaty springen Nå söken springen

De Twentse Jazzerieje is sind 2011 n vast onnerdeel van t International Jazz Festival in Eanske. Veur de Jazzerieje wordt alle joaren tien neje leedkes in t Twents (en sind 2012 ok annere Oaveriesselse dialektn) skrevven, woarop dan weer muziek skrevven wörd wat oetvoord wörd deur n jazzkombo.

Oet veurroondes wordt tien zängers en zängeressen keuzn, woarmet tien tekstskrievers nen tekst goat skrievn. Dizze tekste wordt doarnoa deurgevven an tien muziekskrievers, dee doarop muziek skrievt, in ovverleg met de zängers en zängeressen en de tekstskrievers. Tiedns t International Jazz Festival wörd dan de finale höaldn met de neje leedkes. De muziek wörd oetvoord deur studeantn van t ArtEZ Konservatorium oet Eanske.

t Festival wörd regeld deur Theaterburo Mélange in saamnwearking met de Proveensie Oaveriessel.

Geskiedenis[bewark | bronkode bewarken]

In 2011 wör de Jazzerieje veur t eerst organiseerd. De finale wör höaldn op 11 juni op de Oale Maarkt in Eanske. Disse jazzerieje wör wunn deur Merel Moelker oet Grönningn, met t nummer Stekkelhöarig, wat skrevven wör deur Laurens ten Den, en de muziek was van Rob Horsting. Deur heavigen reagn mos de jazzerieje n half uur staakt wordn. Tiedns t juryberoad treud Martijje oet Dreante op.

In 2012 hadn ze dr better wear bie. Disse jazzerieje was oetbreidt töt heel Oaveriessel, in saamnwearking met de Iesselakademie. Hierdeur was dr ok n deelnemmer oet Zwolle in de finale kömn. Disse jazzerieje wör wunn deur Petra ter Denge oet Loster, met t nummer Kræng, wat skrevven wör deur Martin ter Denge, en muziek van Jan Wessels.

Oetgoande koppeling[bewark | bronkode bewarken]