Thea Kroese

Uut Wikipedia, de vrye encyklopedy
Nå navigaty springen Nå söken springen
Thea Kroese (rechts) en Dorothy Oosting

Thea Kroese is ne presentatrice van RTV Oost oet Doarseveld. Ze is oonder mear bekeand wördn van t neet mear bestoande programma Studio Oost. Kroese helpt met an völle kokprogramma's met vake strekmoaltieden, en ze is drok vuur de Kreenk vuur de Tweantse Sproake. Vroger was ze direktrize van t Van Deinse Instituut, woar't ze met ophöal doo dat oavergung in TwentseWelle. Wieters was ze vroger Fraanskleareres. In 2006 gung ze met pensioen.

Doarnöast gef ze völle leazings in t Sallaands-Tweantse oavergangsdialekt van Doarseveld. Ear leazings goat vake oaver kokken of wien. Ook helpt ze altied met an de Tweantse Oavende, woarbie ze alle biedreages van de deelnemmers an mekaar pröt.

Ze skreef met André Hottenhuis en Han Weustink t kokbook Stip in de pan: de Twentse keuken, vroeger en nu, woarin völle oolde Tweantse gerechten stoat. Doarnöast skreef ze een stukkie in t beukie Echt Twents! van Gert-Jan Hospers.