Niersen

Uut Wikipedia, de vrye encyklopedy
Naar navigatie springen Naar zoeken springen

Niersen is n buurtschap in de gemeente Epe, in de Nederlandse provinsie Gelderland. t Ligt ongeveer drie kilometer ten westen van Vaossen.

De buurtschap ligt te midden van de bossen van de Veluwe, an n olde weg, waorlanges veule grafheuvels te vienen bint. Niersen bestiet al enkele eeuwen, t wordden in 1335 al in n dokument eneumd as 'Marka niirsen'. Vanwegen de ligging van de grafheuvels an de Elburgerweg is t waorschienlik dat de umgeving van Niersen al zo'n 6000 jaor bewoond wordt. In de middeleeuwen leefden de bewoners van schaopenteelt en akkerbouw. De schaopenmest wordden as bemesting gebruukt.

In de umgeving van Niersen he'j veule sprengen, die n vrogge industrialisasie in t darp Vaossen meugelik maakten. Langes de loop van de verschillende baeken wordden papierfabrieken, wasseriejen, forellekwekeriejen en andere deur watermeules an-edreven inrichtingen esticht.

t Anwezige water maakten ok landbouw meugelik op de Niersense nenk. De bevolking wist zich in vroggere tiejen ok in leven te holden deur veeteelt. De destieds umringende heedvelden wordden mit schaopskuddes begreesd.

Niersen wordt ten zujen en westen umringd deur Kroondomein t Loo.


Nuvola apps ksig.png Dit artikel is eskreaven in et oustveluwske dialekt van Epe, in de Algemene Nedersaksiese Schriefwieze.