Geerstraote (buurtschap)

Uut Wikipedia, de vrye encyklopedy
Nå navigaty springen Nå söken springen

De Geerstraote (Nederlands: Geerstraat) is n buurtschap in de gemeente Epe, in de Nederlandse provinsie Gelderland. t Ligt ongeveer vief kilometer ten oosten van Vaossen, en ten oosten van t Apeldoorns kanaal. De buurtschap is eneumd naor de gelieknamige straote.

De namen Geerstraote en de Geer kommen al veur in t deupboek van Vaossen in de 17e eeuw. Op de kadasterkaarte van 1832 ligt t huus of de boerderieje de Geer op de hoek van de Geerstraote noordzied en de Grote Wetering/Veluwsediek. De name verwis waorschienlik naor de vörm van t perseel (schune strook land).

Geerstraotschoele[bewark | bronkode bewarken]

Nao t instellen van de leerplicht in t jaor 1900 was der, vanwegen de grote ofstand van de buurtschap töt de umliggende darpen, behoefte an n schoele. In 1904 ging disse nieje schoele lös.

De schoele had te liejen onder de geliekstelling van t biezundere onderwies mit t openbaore onderwies. Toe in Vaossen n protestantse en n rooms-katholieke basisschoele lös ging verleur de Geerstraoteschoele veule leerlingen.

De schoele hef lange tied tegen de opheffingsnorm evochten. Noe dat de schoele n biegebouw van de openbaore basisschoele 'de Sprenge' eworden is, is dit gevaor eweken.

Straoten[bewark | bronkode bewarken]

Deur de buurtschap Geerstraote lopen de volgende straoten:

  • Bokkeriejeweg
  • Bossenbroekerweg
  • Ganzenebbeweg
  • Geerstraote
  • Hafkamperveldweg
  • Kanaalweg
  • Olde Sluusweg
  • Sluusweg
  • Weteringdiek

Literatuur[bewark | bronkode bewarken]

  • 100 jaar Geerstraatschool 1904-2004, blz. 41


Nuvola apps ksig.png Dit artikel is eskreaven in et oustveluwske dialekt van Epe, in de Algemene Nedersaksiese Schriefwieze.