Namibie

Uut Wikipedia, de vrye encyklopedy
Nå navigaty springen Nå söken springen
Republic of Namibia
Republiek van Namibië
Republik Namibia
Vlagge van Namibie
Wåpen van Namibie
Ligging van Namibie
Ligging van Namibie
Basisgegeavens
Officiele språke engelsk (officiele språke), afrikaansk (lingua franca), düütsk (tot 1990, nun ‘nationale språke’), oshivambo en andere inheymske språken
Höyvdstad Windhook
Regeringsform republik
Godsdeenst christendom (80-90%), traditionele religys (10-20%)
Geografy en bevolking
Uppervlakde
- Water
Totaol: 824.268 km²
0%
Inwoanertal
- Dichtheid
2.630.073 (2020)
3,2 inw./km²
Koordinaten 11° 30′ N, 43° 0′ O

Koördinaoten: 12° N, 43° O

Oaverige
Volksleed Namibia, Land of the Brave
Münteynheid namibiske dollar (NAD)
Tydzone +2
Nationale feystdag 21 määrt
Web | Kode | Tel. .na | NAM | 264

De Republik Namibie (vrogger bekend as Süüdwestafrika) is en land in süüdwestelik Afrika, an de küst van de Atlantiske oceaan. Namibie grenst in et noorden an Angola en Zambie, in et westen an Botswana en in et süden an Süüdafrika.

Vanaf de late 19. eyw tot de Eyrste Wearldoorlog was et land en düütske kolony. Dårnå stünd Namibie under beheyr van Süüdafrika. Et land is unafhangelik ewörden in et jår 1990. Dårmead is Namibie eyne van de jungste ståten in de wearld.

De höyvdstad is Windhook. De meyst espröäken språken binnen engelsk, afrikaansk, düütsk en bantuspråken.

Geskydenisse[bewark | bronkode bewarken]

In 1966 hevt de SWAPO mid en oorlog vöär de unafhangelikheid van Süüdafrika anevüngen. Eyrst in 1988 hevt Süüdafrika to-estemd et beheyr oaver et land af te geaven. In 1990 is et land unafhangelik ewörden, mär Walviskbaai hevt Süüdafrika eyrst in 1994 an Namibia afestån.

Politik[bewark | bronkode bewarken]

Et höyvd van de ståt is de president. Hee wördt elke vyv jår döär de inwunners verköäsen. Et höyvd van de regering is de ministerpresident, de döär de president anesteld wörden. De SWAPO is de groutste partye in et land.

Geografy[bewark | bronkode bewarken]

Namibie grenst in et ousten an de Kalahariwööstde en an Botswana, in et süden grenst et an de Oranjerivyr en Süüdafrika en in et noorden an de Kunenerivyr, de Okavangorivyr en Angola. De Caprivistroake is en breyde stroake land van 450 by 30 km, dee in et noordousten tüsken Angola, Zambie en Botswana in ligt, en dee in et ousten ouk an Zimbabwe grenst.

Namibie is meyr as 825.000 km² grout. Et land is heyl wat verskillende landskapstypen ryke, sou binnen der woldsavannen, barglanden, wööstden en halvwööstden.

Bestüürlike indeylinge[bewark | bronkode bewarken]

Namibie hevt veerteen bestüürlike regios:

  1. Erongo (Swakopmund)
  2. Hardap (Mariental)
  3. ǀǀKaras (Keetmanshoop)
  4. Kawango-Oust (Rundu)
  5. Kawango-West (Nkurenkuru)
  6. Khomas (Windhook)
  7. Kunene (Opuwo)
  8. Ohangwena (Oshikango)
  9. Omaheke (Gobabis)
  10. Omusati (Outapi)
  11. Osjana (Oshakati)
  12. Osjikoto (Omuthiya)
  13. Otjozondjupa (Otjiwarongo)
  14. Zambesi (Katima Mulilo)

Kaarte

Demografy[bewark | bronkode bewarken]

Språken[bewark | bronkode bewarken]

Volgens de volkstelling van 2011 binnen de språken dee et meyst espröäken wörden:

  • 49% oshiwambospråken
  • 11% nama en damara
  • 10% afrikaansk
  • 9% kavangospråken
  • 9% herero

De officiele språke, et engelsk, wördt håst neet döär de bevolking as modersspråke espröäken. Et is vöäral bedoold as neutrale språke tüsken de verskillende bevolkingsgruppen.

Godsdeenst[bewark | bronkode bewarken]

  • Relgy: christendom 80-90%, dårnåst binnen der noch wat anhangers van traditionele religys en andere religys.
Nuvola apps ksig.png Dit artikel is eskreaven in et westveluwsk, in de Nysassiske Skryvwyse.