Mesopotamië

Uut Wikipedia, de vrye encyklopedy
Nå navigaty springen Nå söken springen
Mesopotamië

Mesopotamië (van Oldgrieks Μεσοποταμία Mesopotamíā, 'maank de revieren') of Tweistromenlaand (Aramees ܒܝܬ ܢܗܪܝܢ Beth Nahrin, Arabisch بلاد مابين النهرين Bilad ma bayn Al-Nahrayn of بِلَاد ٱلرَّافِدَيْن Bilad ar-Rafidayn) is de historische contrei in Zuudwest-Azië rond de revieren de Tigris en de Eufraat, in 't noorden van de Vruchtbare Halvemaone. 't Grootste part beslat de hudige staot Irak en 't noordoosten van 't hudige Syrië; wieder beslat 't dielen van 't hudige Iran, Koeweit en Turkije.

Politieke geschiedenis[bewark | bronkode bewarken]

In de geschiedschrieverije wördt binnen Mesopotamië nogal ies onderscheid emeuken tussen Assyrië in 't noorden en Babylonië in 't zuden. Dit bint geografische andudings die niet altied mit staoten aoverienkwamen. In de tied van de vrogste eschreven bronnen (rond 3100 v.Chr.) wördden Mesopotamië edomineerd deur de Sumeriërs en de Akkadiërs (waoronder Assyriërs en Babelsen). Babylon kwaamp in 539 v.Chr. ten val en 't gebied wördden veraoverd deur de Achaemeniden. In 332 v.Chr. veraoverde Alexander de Grote 't spul; nao zien dood wördden 't onderdiel van 't Griekse Seleukidische Riek.

Rond 150 v.Chr. waren in Mesopotamië de Parthen de baos. Dizzend kregen 't in 't wier mit de Romeinen um zeggenschop aover 't gebied. Westelijke dielen van Mesopotamië kwamen onder Romeins bewind (vanof 395 nao Chr. Byzantiens bewind). In 226 nao Chr. kwamen de oostelijke dielen in haanden van de Sassanieden. In de zeuvende ieuw veraoverden de moslims 't hiele spul.

Wiege van de beschaving[bewark | bronkode bewarken]

Mesopotamië beheurde mit 't Olde Egypte töt de eerste wiegen van de beschaving. Wat van de belangriekste ontwikkelings in de mèenselijke geschiedenis vunden in dizze contrei (as eerste) plaatse, zoas - vanof zo 10.000 v.Chr. - de neolithische revolutie. Dit was de aovergaank van een samenleving van jager-verzamelaars naor een samenleving van lu die op een vaste plekke lèefden en an akkerbouw en veeteelt deuden. De eerste graongewassen wördden in Mesopotamië eplaant. Belangrieke ontwikkelings die volgden op de laandbouwrevolutie waren onder meer de uutviending van 't rad, de vrogste schrieverije (ongeveer geliektiedig mit 't Olde Egypte), de vrogst bekende wiskunde, en astronomische ontwikkelings die an de basis hebt estaone van de westerse exacte wetenschoppen.

Nuvola apps ksig.png Dit artikel is eschreven in 't Zuudwest-Drèents.