Lechtenvoorde

Oet Wikipedie, de vraaie enzyklopedie
Gao naor: navigasie, zeuk
Lechtenvoorde
Stad in Nederlaand Flag of the Netherlands.svg
Vlagge van Lechtenvoorde Wapen van Lechtenvoorde
(Vlagge van Lechtenvoorde) (Wapen van Lechtenvoorde)
Lokasie van Lechtenvoorde
Bestuur
Provinsie NL-GE Gelderlaand
Gemeente Oost Gelre Oost Gelre
Geografie en bevolking
Inwonners
12.705 (1 januari 2007)
Koördinaoten 51° 59′ N, 6° 34′ OKoordinaoten: 51° 59′ N, 6° 34′ O
Aoverig
Belangrieke verkeersaoders N18 N313
Netnummer 0544
7131
Offisiële webstae
oostgelre.nl

Lechtenvoorde (Nederlands: Lichtenvoorde) is ne stad in de gemeente Oost Gelre in de Nederlandse previnsie Gelderland.

Gekiednis[bewark | bronkode bewarken]

Lechtenvoorde op ne olde kaarte uut 1634

In 1277 leet Gieselbert van Bronckhorst, heer van Borklo, den Burcht Lechtenvoorde bouwen bi-j de "voorde" (deurwoadboare plaatse) in et centroale bekkengebeed. Lechtenvoorde, dat vanof 1397 onder de heern van Bronkhorst veel en deel uut­maken van de heerlekheid Borklo, umvat­ten de plaatse Lech­tenvoorde en de buurtschoppen Vroagender, Lechten­voorder Bosch, Leeuweld en Zöwwent. Bi-j et buur­tschop Zöwwent ­heurden de havezathe Harreveld. De leenheer­schoppi-j van de heer­lek­heid wodden in 1406 deur Gisbert II an Münster op-edragen. In 1777 wodden Lechtenvoorde ekoch deur den stadholder Willem V, woarnoa et domeingood wodden. Den heer stelden den ric­hter, laand­skriever, advo­coat-fis­coal, voogd en onder­voogd an. Tot an de Bataafse revolutie in 1795 blef de heerlekheid n persoonlek bezit van de Oranjes. Noadeen blef alleneg den titel "Heer van Lechtenvoorde" beholden. Könningin Beatrix dreg doarumme nog altied den titel 'Vrouwe van Lechtenvoorde'. Den doatum van et steade­lek recht is (nog) neet be­kend.[1]

Keienslöppers[bewark | bronkode bewarken]

Op de markt van Lechtenvoorde steet nen zwarfkei van ruum 20.000 kg. Dizzen kei is doar in 1874, ter geleagenheid van 't 25-joarig regeringsjubileum van könning Willem III, deur 99 Lechtenvoordse schoonmakers vanuut et Vroagenderveld noar too eslöpt. Hemelsbreed is dat nen ofstaand van rundumme veer kilometer. An dizze gebeurtenisse dankt Lechtenvoorde den bi-jnama "Keistad" en dankt de inwonners euren bi-jname "Keienslöppers". Boavenop den steen wodden n beeld van nen liggenden leeuw eplaatst. Dizzen leeuwe was ontleend an et woapen van de heern van Bronkhorst. Dizzen liggenden leeuw wodden in 1897 vervangen deur nen zittenden leeuw, den onder zienen veurpoot 't woapen van Lechtenvoorde heeld. Dizze tweeden leeuw was ende joaren '60 zo verweard en beskadegd dat nen Duutsen beeldhouwer opdracht wodden egeaven nen ni-jen leeuw te maken. Ok dizzen daarden leeuw is nen zittenden leeuw den met énen veurpoot et gemeentewoapen vasthöld.

Oost Gelre[bewark | bronkode bewarken]

Tot 1 januari 2005 was Lechtenvoorde ne zelfstandege gemeente, vanof dee tied wodden de gemeente samen-evoegd met Grolle. Officieel wodden den name van dee ni-je gemeente Grolle, moar noa n gezoamelek stemmen, hadden de meeste inwonners van dee gemeenten nen veurkeur veur den ni-je name Grolle-Lechtenvoorde an-egeaven. Dizzen name gebruukten de gemeente ne tied as warkname; vanof 1 januari 2006 gebruukten zie Oost Gelre as warkname en vanof 19 mei 2006 is dizzen name in gebruuk.

Trivia[bewark | bronkode bewarken]

  • Lechtenvoorde stoand al lange tied bekend as 'De greunste gemeente van Nederlaand'. Ok steet Lechtenvoorde bekend weagens 't joarleks weerumkommende bloomenkorso in september.
  • Vanof 2003 heelden zie in Lechtenvoorde joarleks 't Arrow Rock Festival
  • Vanof 2006 holdt zie den Zwarte Cross in Lechtenvoorde, wat doarveur altied in Halle (Bronckhorst) edoane wodden.

Bekende leu oet Lechtenvoorde[bewark | bronkode bewarken]

Nedersaksisch[bewark | bronkode bewarken]

Galleri-je[bewark | bronkode bewarken]

Bronnen[bewark | bronkode bewarken]

  1. Het Rechterlijke Archief Lichtenvoorde, Gelderland boek nummer 174.